Popular Bible Verses from San Mateo 27

Share

Ha pe las tres rupi Jesús hatã osapukái he'ívo: --Elí, Elí, ¿lama sabactani? --upéva he'ise: Che Tupã, che Tupã, ¿mba'érehepa che reja che añó?

Ha upévo pe ao pyguasu tupao pegua osoro mbyte rupi yvate guio yvývo. Pe yvy oryryipa ha umi ita ojeka ha umi sepultura katu ojepe'a ha heta umi Jesús rehe ojeroviáva, omano va'ekue, oikove jevy.

Jesús katu hatã osapukái jevy ha omano.

Upérõ pe capitán ha umi hendive oñangareko va'ekue hína Jesús rehe, ohechávo pe yvy ryrýi ha umi mba'e ambue ojehu va'ekue okyhyjete ha he'i hikuái: --Añete niko ko kuimba'e Tupã Ñandejára Ra'y ra'e.

Ha pytũmba sapy'a opa rupi yvy jerekuévo asaje pyte guive ka'aru las tres peve.

Pilato oporandu ichupe kuéra: --Ha ¿mba'épa ajapóta Jesús, pe Cristo oñembohéravagui? Opavave he'i joa: --¡Emosaingouka kurusu rehe! Upérõ Pilato he'i ichupe kuéra: --¿Mba'e piko ojapo ra'e ivaíva? Ha ha'e kuéra katu osapukái hatãve: --¡Toñemosaingo kurusu rehe!