Popular Bible Verses from San Mateo 24

Share

Ha tuicha eterei va'erãgui pe ñaña, heta ndojohayhuvéi vaerã. Pe opyta hatãva ipaha peve katu ojesalva vaerã.

Ha pe Tupã Ñandejára reino rehegua ñe'ẽ oñemoherakuã vaerã opa rupi yvy jerekuévo, opa tetã megua oikuaa haguã, ha uperire katu oguahẽ vaerã pe ipaha.

Peẽ pehendu vaerã oñeñe'ẽ ha oñemoherakuã ramo guerra, ha ani peñemondýi, upéichante vaerã voi; opáichavo ne'ĩra mo'ãi gueteri ko mundo paha.

Opu'ã vaerã tetã nguéra ojuehe, ha peteĩ tetã oñorairõ vaerã ambue tetã ndive; ha oĩ vaerã mba'asy ha ñembyahýi ha yvy ryrýi heta henda rupi. Opáichavo ko'ã mba'e jehasa asy ñepyrũhánte vaerã.

Yvága ha yvy opa vaerã, che ñe'ẽ katu tapia guarã.

Heta ou vaerã che rérape ha he'i vaerã: “Che ha'e pe Cristo”, ha ombotavy vaerã hetápe.

‘Upérõ pene me'ẽ vaerã hikuái pehasa asy haguã ha pejejuka vaerã ha opavave ndaija'éi vaerã pende rehe che réra rehe. Umiha árape heta ijerovia poi vaerã ha ndojuayhúi ha oñotraiciona vaerã. Heta opu'ã vaerã he'íva ojehe kuéra Tupã Ñandejára remimbouha ha ombotavy vaerã hetápe.

Ha Jesús he'i ichupe kuéra: --Pema'ẽke. Anítei avave pene mbotavy.

Upéva reheke peẽ avei peñembosako'i pe peimo'ã'ỹve jave rehe ou jevy va'erãgui pe kuimba'éicha ou va'ekue yvy ári.

‘Peñembosako'íke aipóramo, ndapeikuaáigui mba'e hórapepa pende jára oúta.

‘Upe ára terã hi'hóra katu avave ndoikuaái, umi ángel yvága pegua ndoikuaái ha pe Tupã Ñandejára Ra'y jepe ndoikuaáinte avei. Che Ru añoite mante oikuaa.

Heta ou va'erãgui he'íva ojehe ha'eha pe Cristo ha Tupã Ñandejára remimbouha; ha ojapo vaerã mba'eguasu ha techapyrã ombotavy haguã ikatu ramo umi Tupã Ñandejára rembiporavo pyrépe jepe.

‘Umi ára Noé oikove ramo guaréicha ko yvy ári, upéicha vaerã avei ou jevy ha'ára pe kuimba'éicha ou va'ekue yvy ári. Umi árape pe diluvio mboyve, umi gente oiko va'ekue okaru ha ho'uha rehe, omenda ha omomenda tajýra kuéra, pe ára Noé oike hague peve pe árcape; ha ndohechakuaái va'ekue hikuái pe diluvio oguahẽha ára peve ha ohundipa ichupe kuéra. Upéicha vaerã avei ou jevy ha'ára pe kuimba'éicha ou va'ekue yvy ári.