Popular Bible Verses from San Lucas 8

Share

Pe ho'a va'ekue yvy porãháme katu umi ohendúva pe ñe'ẽ ha py'aporã ha py'apeteĩ reheve oñongatu pe ohendu va'ekue, ha hi'a porã ohasa asy ramo jepe.

Umi ho'a va'ekue ñuatĩndýpe niko umi ohendúva, ha upéicharamo jepe, ohóvo hapére, pe jepy'apy ha mba'eta rereko ha teko rory ombojahoga pe ñe'ẽ ha ndahi'ái.

Umi itatýpe ho'a va'ekue niko umi ohendúva pe ñe'ẽ ha ogueroviáva torypápe; ha upéicharamo jepe, nda hapo pypukúiri, oguerovia sapy'ánte, ha ojepy'ara'ã vove katu oñemomombyry.

Ha hemimbo'e kuérape katu he'i: --¿Mba'e piko oiko pende jeroviágui ra'e? Ha'e kuéra katu kyhyje pópe ohecharamoite, ha oporandu ojupe kuéra: --¿Máva piko ko kuimba'e yvytu ha ýpe jepe ojapoukáva hembipota?

ha umi tape yképe ho'a va'ekue katu umi ohendúva pe Ñandejára ñe'ẽ, ha upévove ou mba'epochy ha oipe'a pe ñe'ẽ icorazõ kuéragui ani haguã oguerovia ha ojesalva.

Ndaipóri voi mba'e ñemimby ojehechakuaa'ỹ vaerã, ha mba'e ñemiha megua ojekuaa'ỹ ha osẽ'ỹ vaerã hesakãháme.

Pe kuña ohechávo nokañýi hague, ou ryryihápe ha oñesũ Jesús renondépe, ha omombe'u opavave rovake mba'érehepa ra'e opoko hese, ha mba'éichapa ra'e upévove okuera. Jesús upérõ he'i ichupe: --Che rajy, rejerovia hague rehe rekuera. Ta nde py'aguapy rehóvo.

Upérõ omombáy hikuái Jesúspe ha he'i ichupe: --¡Maestro! ¡Maestro! ¡Ja'yguýmako ñaína! Upérõ Jesús opu'ã ha okorói pe yvytúpe ha pe ý opu'ãvape, ha opi ha iporãmbaite jevy pe ára.