Popular Bible Verses from San Juan 3

Share

‘Tupã Ñandejára ohayhu etereígui yvypóra kuérape, ome'ẽ va'ekue Ta'ýra peteĩete, opa umi hese ojeroviáva ani haguã oñehundi, oguereko haguã uvei pe tekove tapia guarã.

Tupã Ñandejára nomboúi Ta'ýrape yvy ári ocondena haguã yvypóra kuérape, ojesalvánte haguã uvei ha'e rupi.

Upérõ Jesús he'i ichupe: --Añetehápe ha'e ndéve, pe onace jevy pyahu'ỹva, ndaikatúi ohecha pe Tupã Ñandejára reino.

‘Pe ojeroviáva Tupã Ñandejára Ra'y rehe, noñecondenái; pe ojerovia'ỹva katu, oñecondenáma, ndojeroviái hague rehe pe Tupã Ñandejára Ra'y peteĩetéva rehe.

Umi ojerovia'ỹva oñecondena, pe tesapeha ou ramo jepe yvy ári ha'e kuéra oiporavógui pe pytũ pe tesapeha rangue, hembiapo vaígui.

Ha'e niko oñembotuicha tuichave vaerã ohóvo, che katu añemomichĩ michĩve vaerã ahávo.

Opa umi ojapóva ivaíva ndohayhúi pe tesapeha, ha noñemo'aguĩséi pe tesapehágui ani haguã ojehecha pe hembiapo vaikue.

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Ha Moisés omopu'ã haguéicha yvate pe mbói ra'anga desiértope, upéicha avei pe kuimba'éicha ou va'ekue yvy ári oñemopu'ã vaerã yvate

Pe Túva ohayhu pe Ta'ýrape, ha opaite mba'e omoĩ va'ekue ipoguýpe.