Popular Bible Verses from San Juan 12

Share

Oime ramo che serviséva, tou che rapykuéri, ha mamo che aimehápe, upépe oĩ vaerã avei upe che servíva. Oime ramo che servíva, upévape che Ru omomba'eguasu vaerã.

Pe hekove ohayhúva ohundi vaerã, pe hekove ohayhu'ỹva ko yvy ári katu oñongatu vaerã pe tekove tapia guarã meve.

Añetehápe ha'e peẽme, pe trigo ra'ỹi ho'a'ỹ ramo yvýpe ha ituju'ỹramo, opyta ha'eño peteĩ; ituju ramo katu heta hi'a.

Che, tesapehárava aju va'ekue yvy ári, ani haguã opyta pytũnguýpe umi ojeroviáva che rehe.

Oime ramo ohendúva che ñe'ẽ ha ndojapóĩva mba'eve ramo katu, nda che mo'ãi pe ocondenáva ichupe. Che ndajúi acondena haguã yvypóra kuérape, asalvávo ichupe kuérante aju.

Ha María ogueru upéramo peteĩ mba'e ryakuã porã nardo eteguigua, medio litro rupi, hepýva, ha oñohẽ Jesús py rehe, ha omokã iñakã raguépe. Ha pe óga henyhẽmba pe mba'e ryakuã porãgui.

Upéva rehe oikytĩ hikuái pindo rogue ha osẽ ohuvaitĩ Jesúspe sapukái reheve, ha he'i: --¡Gloria Tupã Ñandejárape! ¡Toñemomba'eguasu pe oúva Ñandejára rérape! ¡Toñemomba'eguasu pe Israel pegua Rey!

Upéramo Jesús he'i ichupe kuéra: --Oguahẽma pe hora pe kuimba'éicha ou va'ekue yvy ári oñemomba'eguasu haguã.