Popular Bible Verses from San Juan 1

Share

Upéicharamo jepe, oĩ va'ekue orecibíva ichupe ha ojerovia va'ekue hese; umívape ome'ẽ oiko haguã ichugui kuéra Tupã Ñandejára ra'y.

Opaite mba'e oiko ñepyrũ ramo, oĩma va'ekue pe Tupã Ñandejára Ñe'ẽ; ha upe Ñe'ẽ oĩ va'ekue Tupã Ñandejára ndive ha ha'e Tupã Ñandejára voi.

Ha pe tesapehára omimbi pe pytũnguýpe ha pe pytũ ndaikatúi ombogue pe tesape.

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Ha'e rupi Tupã Ñandejára ojapo va'ekue opaite mba'e; ha mba'evete ndojapói Tupã Ñandejára hese'ỹ. Ipype voi oĩ va'ekue pe tekove, ha pe tekove voi yvypóra kuéra resapehára.

Upe ára ambuépe Juan ohecha Jesúspe oguahẽ ohóvo hendápe, ha he'i: --Kóva ha'e pe Tupã Ñandejára ovecha ra'y oipe'áva yvypóra kuéra pecado.

Pe Ñe'ẽ oĩma va'ekue yvy ári; ha Tupã Ñandejára ojapo va'ekue ramo jepe ko yvy ha'e rupi, yvypóra kuéra ndoikuaái ichupe. Ou va'ekue hetã teépe, opáichavo, umi hetãygua kuéra nomoguahẽi ichupe.

Pe tesapehára añetegua, ohesapéva opa yvypóra kuérape, oguahẽma va'ekue oúvo ko yvy ári.

Tupã Ñandejára niko Moisés rupi ome'ẽ va'ekue pe ley, Jesucristo rupi katu ome'ẽ ñandéve pe mborayhu ha pe añete.