Popular Bible Verses from SAN MATEO 14

Share

Xama axta apyekpelcha ekyenna exchahayam, apchekak axta; aptahak axta apyennaktésawo appeywa peya eweywagkok se'e: —¡Wese', hewagkas ko'o teyp! Ñohok axta apma apmek Jesús Pedro. Aptahak axta apcháneya s'e: —¡Asexto' mey'áseyam xép! ¿Yaksak ektaha apya'ásekmo nak seyewagko ko'o awagkasek teyp xép?

Xama axta apyekpelcha ekyenna exchahayam, apchekak axta; aptahak axta apyennaktésawo appeywa peya eweywagkok se'e: —¡Wese', hewagkas ko'o teyp!

Aptahak axta apkelpakhetchesa Jesús se'e: —¡Kólyennakteyásekxoho kélwáxok! ¡Náhelé', ko'o s'e!

Aptahak axta apchátegmowágko Pedro s'e: —Wese', xép agkok xa, yána ko'o xa axog néten yegmen amyógmak xa apkenmágkaxa nak. —Empoho, —axta aptahak apcháneya Jesús. Aptekkek axta kañe' yántakpayhe Pedro, apxegkek axta anhan néten yegmen apyo'ókmo Jesús.

Keñe axta apkeltekxeyágko aptapnák apmonye Jesús ma'a ektaha axta apkelchánte yántakpayhe. Aptahak axta apcháneya s'e: —¡Nakso' neyke agkok xép aptaha Dios Apketche!

Aptahak axta apchátegmowágko Jesús se'e: —Tásek neykhe exnakha aksa; kólmés kéxegke aptéyak. Aptahak axta apkelátegmowágko apkeltámeséyak se'e: —Wánxa aksa negko'o apyetna cinco pan keñe ánet kelasma.

Aptahak axta apkeláneya Jesús se'e: —Helsántegkes ko'o. Keñe axta apkeltamho Jesús exnakha néten pa'at ekpayhe m'a énxet apxámokma axta. Apkelmeyk axta m'a cinco pan nak tén han ma'a ánet kelasma nak, apsekhákxók axta néten, apmések axta ekxeyenma apwáxok Dios, keñe axta apkelyepta m'a pan nak, apkelmeyásegkek axta anhan apkeltámeséyak, keñe axta apmelassa énxet'ák ma'a apkeltámeséyak.

Apyókxoho axta aptókagkok ekwokmoho apkelyakkanakmo, apkelmákxeyk axta anhan pan nápakha'a apkeleymomap, doce axta wokmok kélxatmeyak ma'a.