Popular Bible Verses from SAN LUCAS 23

Share

Aptahak axta Jesús se'e: —Táta, ná eyakmagkásekxa apkeltémakxa xa énxet'ák nak, hakte melya'ásegkok xa aksok apkelánégko nak. Xama aksok axta aptawásegkok sẽlpextétamo yakwayam enxoho katakmelhok apmelassamap Jesús aptaxno.

Aptahak axta apchátegmowágko Jesús se'e: —Sakhem sat hexhok xamo' xép ma'a yókxexma apkelmaheykegkaxa nak Dios énxet'ák apagkok apkeletsapma. Nakso' xa sektahakxa nak seyáneya exchep.

Keñe axta anhan aptaha appeywa s'e: —Jesús, kaxén sat apwáxok ko'o aptaha sat Wese' apwányam xép.

Aptahak axta Jesús apyennaktésawo appeywa s'e: —¡Táta, eltamhok ko'o emok xép ehagak! Xama axta aptaha appeywa xa, keñe axta apketsapa.

Xama axta kélwagkasa m'a yókxexma kéltémakxa axta ekyetnamakxa kélpátexchapok, kélyepetchesek axta aksok ektegyéso Jesús, tén han ma'a apkánet énxet elmasagcha'a axta apkeltémakxa, xama axta kélchexnak ekpayhókxa nak apkelya'asamakxa, keñe axta pók kélchexna ekpayhókxa nak nepsagkalwa.

Yetseksókhem axta chénawók ekyaktesóxma ekyókxoho m'a yókxexma nak, ekweykmoho las tres taxnam. Massék axta elsasáxma ekhem, keñe axta apyepteykpo nepyeseksa m'a apáwa apyexnama axta kañe' tegma appagkanamap.

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.