Popular Bible Verses from SAN LUCAS 12

Share

Kóllánekxa nahan kéltahakxa kéxegkáxa; hakte ewatak sat ektaha nak Apketche énxet neyseksa megkólhaxanma.”

Kaxénmakha sekxo' kélwáxok ma'a aptémakxa nak Wese' apwányam Dios, keñe sat kólxawak kéxegke ekyókxoho xa aksok nak.

Kólawho kéxegke neltémo nak agyeykhasaxkohok ekha aksok egagkok; hakte megkañamak negyennakte ekmámnaksoho m'a nenxamáseyak nak aksok egagkok.

Hakte cham'a ekhágkaxa enxoho ekxámokma aksok kélagkok, cha'a kaxénmakha nahan kélwáxok ma'a.

Megkólwanchek kéxegke kólwennaktéshok kélha keso náxop, xámok eykhe katnehek ekxéneykha kélwáxok kólwennaktéshok kélha.

Keñe axta aptaha apkeláneya Jesús apkeltámeséyak se'e: “Ektahak ko'o seláneya kéxegke s'e: ‘Nágkatne aksa ekxeyenma kélwáxok, yaksak sat kexaha antók neyseksók negha, nágkaxénmakha nahan kélwáxok ma'a yakwayam nak kólántaxnekxak neyseksók kélha.

Weykmók eyke kéxegke apkelyetsetcheso Dios ekyókxoho kélwa'. Nágkólé' aksa: ennóke kéxegke, megkólhawok ma'a nátétkók.

“Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

Kóllano hana máma: meknekxék cha'a aksok aktek, menakxehek nahan cha'a aksok ekyexna, méko nahan apxátamakxa aksok ekyexna apnakxo; wánxa agkok, Dios akke apkeleykegkok cha'a aptéyak. ¡Ennókók agko' eyke kéxegke, megkólhawok ma'a náta!

Nágkalyakhapmakha aksa kélwáxok kéltegyeyncha'a enxoho kélto tén han ma'a kélyenéyak nak.

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a elakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok Dios kéxegke kéltaha nak ekmasextoho kélteme megkólya'áseyam.

Hakte yáxñakxoho sat keytnekxak ma'a ekyókxoho aksok ekyexamaxche nak, kólya'ásegwók sat nahan ma'a ekyókxoho aksok ekpowásamáxkoho nak.