Popular Bible Verses from SAN JUAN 13

Share

Eltennásek kéxegke s'e axnagkok seltémókxa nak kóltehek: Kólteme cha'a kélásekhamaxkoho. Kólteme cha'a kélásekhamaxkoho ekhawo ektémakxa nak ko'o selásekhayo kéxegke. Kéltemék agkok kélásekhamaxkoho kélyókxoho kéxegke, apyókxoho énxet sat elya'ásegwók kéltaha kéxegke seltámeséyak.

Elyenyésesek xeyk kélmagkok kéxegke, ko'o sektaha nak selxekmóso, sektaha nak han Wese', kéméxchek nahan kéxegkáxa kólyenyésesek cha'a apmagkok kélmók. Ekxekmósek ko'o yakwánxa kóltehek cha'a kéxegke, yakwayam enxoho kóllának kéxegkáxa ekhawo xa selana exchek ko'o.

Aptahak axta apchátegmowágko Jesús se'e: —Mey'ásegkok makham xép se'e selana nak, natámen sat eyke ey'asagkoho'.

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

Kélyekpelchawók agkok kéxegke xa aksok selana nak, kéllanak agkok nahan, kéleñémo sat kóltehek kéxegke.

Pekkenchesek axta apwáxok Judas kelyekhama' yakwayam yának kólpelakkasesek emakpok Jesús, cham'a Judas aptaha axta Simón Iscariote apketche. Apya'ásegkok axta Jesús aptaha apkeñama m'a aphakxa nak Dios tén han peya emyekxak makham ma'a aphakxa nak Dios, apya'ásegkok axta anhan Jesús apmésama Apyap apmopwána elának ekyókxoho aksok; apkempákxeyk axta néten Jesús nekha mésa neyseksa aptéyak, aplekkek axta apchaklamap keñe axta apteta nepxet apáwa nenleklamol'a egyempehek natámen negyakpaso yegmen. Keñe axta apyetma yegmen sokpayhe ekwányam, apkelyenyésesek axta apmagkok apkeltámeséyak. Axta anhan apmáha apkelyamasásekxo apmagkok apkeltámeséyak ma'a apáwa nenleklamol'a egyempehek natámen negyakpaso, cham'a apteta axta nepxet.