Popular Bible Verses from Marcos 14

Share

Tsoom: —Tsotya̱ya, ꞌu chaꞌtso nnda̱a̱ nntsaꞌ. Catseicandyaandyuꞌ ja na ticwino̱o̱ⁿya nawiꞌwaa. Sa̱a̱ catsaꞌ chaꞌxjeⁿ na lꞌue tsꞌomꞌ nncuꞌ nchii chaꞌxjeⁿ na lꞌue tsꞌo̱o̱ⁿ ja.

Ñequiiꞌcheⁿ cꞌomꞌcꞌeendyoꞌ na calaneiⁿꞌyoꞌ nnom Tyꞌo̱o̱tsꞌom cha ticjaachuunaꞌ ꞌo quia na ñeꞌcatsꞌaanaꞌ xjeⁿ ꞌo. Jeeⁿ mꞌaaⁿcꞌeeꞌ tsꞌom tsꞌaⁿ na nntsꞌaa yuu na ya, sa̱a̱ ncꞌe na tsꞌaⁿ tseixmaⁿ, tileicanaaⁿñe na nntsꞌaa na ljoꞌ.

Na mayuuꞌcheⁿ nndyeꞌyoꞌ nntsjo̱o̱, meiⁿyuucheⁿ na nñeꞌquia nnꞌaⁿ ñꞌoom chaꞌwaa tsjoomnancue na macwjiꞌnꞌmaaⁿñe Tyꞌo̱o̱tsꞌom nnꞌaⁿ, maxjeⁿ nlaꞌneiⁿna cantyja ꞌnaaⁿꞌ naya na sꞌaa yuscumꞌaaⁿꞌ cha ticatsuu ñꞌoom cantyja ꞌnaaⁿꞌaⁿ.

Tsoom nda̱a̱ naⁿꞌñeeⁿ: —Jeeⁿ matseichjooꞌnaꞌ tsꞌo̱o̱ⁿ hasta jom ndyoweꞌ tsꞌo̱o̱ⁿ. Caljooꞌndyoꞌ ljooñe. Cꞌomꞌcꞌeendyoꞌ, nchii cwindaꞌyoꞌ.

Yocheⁿ na cwicwaꞌna, toꞌñom Jesús tyooꞌ, tquiaaⁿ na quianlꞌuaaꞌ Tyꞌo̱o̱tsꞌom. Jnda̱ joꞌ tyjeeⁿ juunaꞌ, tquiaaⁿ nda̱a̱na. Tsoom: —Catoꞌñoomꞌyoꞌ, cwaꞌyoꞌ tyooꞌwaa, ee cwiluiiñenaꞌ seiiꞌa.

Mati toꞌñoom cwii waso na ñjom ndaa winom. Jnda̱ na tquiaaⁿ na quianlꞌuaaꞌ Tyꞌo̱o̱tsꞌom, quia joꞌ tquiaaⁿ juunaꞌ nda̱a̱na, chaꞌtsondyena ta̱na. Ndoꞌ tsoom nda̱a̱na: —Ndaa winomwaa cwiluiiñenaꞌ nioomꞌa na nnquioo na nncwjiꞌnꞌmaaⁿndyo̱ jndyendye nnꞌaⁿ. Ñꞌeⁿ juunaꞌ maqua̱ⁿtya̱ⁿya ñꞌoom xco.

Quia joꞌ tso Jesús nda̱a̱na: —Tsjom jeꞌ chaꞌtsondyoꞌ ꞌo nntjeiꞌndyoꞌ ñꞌeⁿndyo̱. Ee ljeii ꞌnaaⁿꞌ Tyꞌo̱o̱tsꞌom matsonaꞌ: “Nntseicua̱ꞌa tsꞌaⁿ na machꞌee cwenta canmaⁿ, ndoꞌ canmaⁿ ntsmeiiⁿꞌeⁿ nntꞌoomꞌndyeyoꞌ.”

Quicantyjaꞌyoꞌ. Cjaaya. Luaaꞌ mandyocwjeeꞌcañoom juu tsꞌaⁿ na tjacatio cwenta ja luee nnꞌaⁿ.

Tꞌo̱ Jesús, tsoom nnom: —Ñꞌoom na mayuuꞌ matsjo̱o̱ njomꞌ, tsjom jeꞌ cwii tjo̱o̱cheⁿ na nnda̱a̱ꞌ we ndiiꞌ na matseixuaa caxtijndyo, sa̱a̱ ꞌu xjeⁿꞌñeeⁿ jnda̱ ndyee ndiiꞌ jnda̱ tjeiꞌndyuꞌ ñꞌeⁿndyo̱.