Popular Bible Verses from MATEO 18

Share

Porni rutisy rdohp chohp o tzonn meññ-gaguguia dlen, wé we nun glaꞌy ru nu yâme.

’Gapyaꞌ laꞌd nirieꞌ: Bâḻ chohp lahd laꞌd ctzoo diidz gnab behch lo Dioz neꞌ lo guiedzylie, dTadaꞌ ni nu gybaa zdee leeu.

Were pquee Jesúz riedz to ñôbydxuur, no bzu me lee glaꞌy ru zu yâme. No ra me: ―Gapyaꞌ laꞌd ni uli, bâḻ di csaan laꞌd ni nac laꞌd lehdy gac laꞌd beeiy mbiux la, nehx beeiy tzu laꞌd ru rtzoo Dioz mdad.

No leewe, dxu gac beeiy mbiux-rieꞌ ni nehx rguguia leegahc, wé we ma rsahc ru rtzoo Dioz mdad.

No bâḻ dxuhch, porni rzobdiidz naa, gacno to beeiy mbiux-rieꞌ la, scâsy ñacno yâme naa we.

’Gapyaꞌ laꞌd ni uli, gyre ni glihby laꞌd neꞌ lo guiedzylie, zehg‑e zlihbyu gybaa; no ni cshac laꞌd neꞌ lo guiedzylie, zehg‑e sshacu gybaa.

Ra Jesúz leeyâme: ―Zegahc‑e ctzoo dTadaꞌ ni nu gybaa no laꞌd bâḻ di guioob laꞌd xirman laꞌd nîcze rtzoo yâme laꞌd behch.

’Nitisy dxu por xtoḻ guiatrxan to ni zidguiahc beeiy mbiux-rieꞌ ni rlíladzy yahc naa la, beeiydí nguꞌ meññ to duu yañ me no nlihby yâme to xguie-ro molin lou, no nráḻ meññ leeme leññ nisdoo ru ma guial.

’¿Bia ne laꞌd? Bâḻ to meññ rahp me diby gayuu xiily, no bâḻ nnihty to de lahd maꞌ, ¿nehx nsaꞌn me noventaynuevy maꞌ no nigyo me xiily ni ganihty la?