Popular Bible Verses from San Marcos 2

Share

Ni̱ ngaa gunun Jesús si gataj ni síꞌ, ni̱ gataj sij: ―Nitaj si níꞌyanj ni ngüi̱ hua sa̱ꞌ nga̱ ꞌngo̱ tsínj ꞌyaj go̱noꞌo mánj. Sani̱ ni ngüi̱ aꞌnanꞌ níꞌyanj ꞌngo̱ tsínj go̱noꞌo aj. Sé si ꞌnāj ga̱quīn ni ngüi̱ hua sa̱ꞌ mánj. Sani̱ ꞌnāj ga̱quīn ni ngüi̱ ꞌyaj gaquinꞌ sisi̱ ga̱nani ruhua ni sij xiꞌí si-ga̱quinꞌ ni sij. ―Daj gataj Jesús.

Ni̱ ngaa guiniꞌi Jesús sisi̱ da̱j guxuman ruhua ni sij niꞌyaj ni sij síꞌ, ngaa ni̱ gataj síꞌ gunun tsínj aꞌnanꞌ daj: ―Nicā ꞌngo̱ niman nico xiꞌí si-ga̱quinꞌ so̱ꞌ nánj. ―Daj gataj sij gunun síꞌ.

Ni̱ gataj ru̱huaꞌ yún Jesús rian ni tsínj fariseo: ―Guiꞌyaj Yanꞌanj güi naránj ruhua néꞌ güenda néꞌ. Ni̱ sé si guiꞌyaj Yanꞌanj néꞌ güenda güi naránj ruhua néꞌ mánj.

Ni̱ ri̱an naꞌue gu̱nucuaj ni sij gui̱sij ni sij daꞌ rian nne Jesús, ꞌyaj ni ngüi̱, ngaa ni̱ gayaꞌ ni sij ꞌngo̱ yuꞌuj chra̱ hueꞌ xataꞌ rian niquinꞌ Jesús. Ngaa ni̱ na̱naj dinij ni sij huéj nu̱n tsínj aꞌnanꞌ daj rian niquinꞌ Jesús.

Hué dan ni̱ huin ruhuāj sisi̱ xa̱caj á re̱ꞌ cuenta sisi̱ nicaj sūnj rian xungüi̱ nan huīnj daꞌníj ni ngüi̱. Ni̱ ga̱ꞌue gui̱nicā ꞌngo̱ niman nico xiꞌí si-ga̱quinꞌ ni ngüi̱. ―Daj gataj Jesús. Ngaa ni̱ gataj sij rian tsínj nareꞌ dacój daj: ―Atā rian manꞌán re̱ꞌ sisi̱ na̱chica re̱ꞌ na̱ranꞌ re̱ꞌ duhuéj re̱ꞌ. Ni̱ güi̱j na̱nꞌ re̱ꞌ ducuá re̱ꞌ aj. ―Daj gataj Jesús gunun síꞌ.

Hua hui̱j nuguanꞌ sa̱ꞌ ga̱ꞌue ga̱tā gu̱nun tsínj aꞌnanꞌ nan. Ga̱ꞌue ga̱tā gu̱nun sij: “Nicā ꞌngo̱ niman nico rian xiꞌí si-ga̱quinꞌ re̱ꞌ.” Asi̱ ga̱ꞌue ga̱tā gu̱nun sij: “Na̱chica re̱ꞌ na̱ranꞌ re̱ꞌ duhuéj re̱ꞌ, ni̱ ga̱che re̱ꞌ aj.” Daj ga̱ꞌue ga̱taj manꞌānj.

Ni̱ ꞌngo̱ hora nachica tsínj aꞌnanꞌ daj. Ni̱ ganaranꞌ sij duhuéj sij. Ni̱ gahui sij ganꞌanj sij niꞌyaj daranꞌ ni ngüi̱ ma̱n chruhua hueꞌ daj. Ngaa ni̱ ganꞌanj ruhua daranꞌ ni sij. Ni̱ gataj ni sij sisi̱ sa̱ꞌ guiꞌyaj manꞌan Yanꞌanj. Ni̱ gataj ni sij: ―Ni̱ a̱ ꞌngo̱ yu̱n nun guiniꞌíꞌ ꞌngo̱ rasu̱n hua nan mánj. ―Daj gataj ni sij.