Popular Bible Verses from San Mateo 28

Share

Xiꞌí daj, ni̱ ga̱nꞌanj di̱gyán ni é re̱ꞌ nuguanꞌ sa̱ꞌ rian daranꞌ ni ngüi̱ ma̱n chruhua xungüi̱. Ni̱ gui̱nicoꞌ ni sij manꞌānj, gui̱ꞌyaj ni é re̱ꞌ. Ni̱ du̱guataꞌ nnee ni é re̱ꞌ ni sij nga̱ si-xugüi chrē nga̱ si-xugüi manꞌānj nej, si-xugüi Espíritu Santo nej aj. Ni̱ di̱gyán ni é re̱ꞌ rian ni sij sisi̱ da̱gahuin ni sij daranꞌ ni nuguanꞌ gaꞌnīj sun rian ni é re̱ꞌ. Ni̱ gui̱niꞌi ni é re̱ꞌ sisi̱ daranꞌ ni güi achē nga̱ ni é re̱ꞌ da gui̱sij ga̱nahuij xungüi̱ aj. ―Daj gataj Jesús gunun ni tsínj nicoꞌ sij.

Ngaa ni̱ gahuin ni̱chrunꞌ Jesús, ni̱ gataj sij: ―Riqui Yanꞌanj sisi̱ gui̱nicā daranꞌ sun ne̱ꞌ xataꞌ nga̱ chruhua xungüi̱ nej.

Sani̱ gataj ángel gunun nu̱ngüej yunꞌunj xa̱na daj: ―Si̱ guxuꞌuiꞌ nu̱ngüej é re̱ꞌ mánj. Daj si niꞌīnj sisi̱ nanoꞌ nu̱ngüej é re̱ꞌ Jesús tsínj guinicoꞌ rian rugutsi̱. Nitaj si ngaj sij yuꞌuj nan ga̱ mánj. Daj si da̱j rúnꞌ gataj sij gunun ni é re̱ꞌ, ni̱ daꞌngaꞌ daj ganáꞌnij sij. Ga̱huaꞌ nu̱ngüej é re̱ꞌ gui̱niꞌi nu̱ngüej é re̱ꞌ rian gachinꞌ ni sij.

Ngaa ni̱ gataj Jesús gunun nu̱ngüej únꞌ: ―Si̱ guxuꞌuiꞌ nu̱ngüej é re̱ꞌ mánj. Maan si ga̱nꞌanj ga̱taj snanꞌanj nu̱ngüej é re̱ꞌ rian ni jnān sisi̱ ga̱nꞌanj ni sij estado Galilea. Ni̱ yuꞌuj daj gui̱niꞌi ni sij manꞌānj.

Ngaa ni̱ ganahuin yuꞌ ni tsínj daj nga̱ ni tsínj huin achij sisi̱ uyan ga̱ ruhua daranꞌ ni sij da̱j gui̱ꞌyaj ni sij. Ni̱ nico sanꞌanj gaꞌuiꞌ ni sij rian ni snado. Ni̱ gataj ni sij gunun ni síꞌ: ―Ga̱taj ni é re̱ꞌ sisi̱ ngaa ne̱ꞌ ni̱, ni̱ gaꞌna̱ꞌ guiꞌyaj tu̱ ni tsínj nicoꞌ Jesús níman daj ngaa atoj ni únj anj. Daꞌngaꞌ daj ga̱taj ni é re̱ꞌ. Ni̱ sisi̱ gu̱nun gobernado si guiꞌyaj néꞌ, ngaa ni̱ ga̱ꞌmi sa̱ꞌ únj nga̱ síꞌ. Ngaa ni̱ ga̱nacaj únj ni é re̱ꞌ. ―Daꞌngaꞌ daj gataj ni chrej aꞌninꞌ rian ni snado. Ngaa ni̱ ganacaj ni snado sanꞌanj gaꞌuiꞌ ni sij daj. Ni̱ guiꞌyaj ni sij da̱j rúnꞌ gataj ni chrej aꞌninꞌ gunun ni sij. Ni̱ da̱j rúnꞌ gaꞌmi yya̱ ni snado daj daꞌngaꞌ daj aꞌmi ni tsínj israelita daꞌ güi acuanꞌ.