Popular Bible Verses from San Lucas 20

Share

Hué dan ni̱ gataj Jesús: ―Ngaa ni̱ ga̱ꞌuiꞌ a ni é re̱ꞌ siꞌyaj rey César rian sij. Ni̱ ga̱ꞌuiꞌ ni é re̱ꞌ siꞌyaj Yanꞌanj rian Yanꞌanj anj. ―Daj gataj Jesús.

Sani̱ guiniꞌyaj Jesús rian ni sij. Ni̱ gachínj snanꞌanj síꞌ ni sij gataj síꞌ: ―Un sin huin ni̱ garun ni sij nuguanꞌ nan asi̱j ná, ruhua á re̱ꞌ únj: Yej guereꞌej ni tsínj ꞌyaj sun hueꞌ, gahuin-ínꞌ ꞌngo̱ yej sa̱ꞌ doj ga̱ne, ni̱ ran-ánꞌ duguꞌnunꞌ squina hueꞌ ni̱ganj ni̱nꞌ anj. Daꞌngaꞌ daj garun ni sij rian libro huin si-nu̱guanꞌ Yanꞌanj.

―Ga̱gudadu a ni é re̱ꞌ sisi̱ si̱ guiꞌyaj á re̱ꞌ da̱j rúnꞌ ꞌyaj ni tsínj digyán ley. Daj si nia̱ꞌ ruhua ni sij ga̱che ni sij nga̱ atsij xa̱can nu̱n ni sij huin si-ganꞌ ni tsínj huin achij. Ni̱ huin ruhua ni sij sisi̱ ga̱ꞌmi sa̱ꞌ ni ngüi̱ nga̱ ni sij ngaa achéj ni sij rian yuꞌue̱. Ni̱ nanaꞌuiꞌ ni sij ꞌngo̱ chrun xila sa̱ꞌ doj ga̱ne ni sij chruhua nuhui. Ni̱ nanaꞌuiꞌ ni sij ꞌngo̱ yuꞌuj sa̱ꞌ ga̱ne ni sij rian ꞌyaj ni sij ꞌngo̱ guiꞌyanj. Ni̱ aꞌnej ni sij ducuá yunꞌunj xa̱na mmij. Ni̱ achínj jniꞌyaj ná ni sij rian Yanꞌanj sisi̱ sa̱ꞌ ꞌyaj ni sij ga̱ni ruhua ni ngüi̱, ruhua ni sij. Xa̱can gui̱ranꞌ ni sij castigo, gui̱ꞌyaj Yanꞌanj. ―Daj gataj Jesús gunun ni sij.