Popular Bible Verses from Efesios 2

Share

Ni̱ Yanꞌanj guiꞌyaj néꞌ xiꞌí si gui̱nicoꞌ néꞌ Cristo Jesús. Xiꞌí daj ni̱ ga̱ꞌue gui̱ꞌyaj sa̱ꞌ néꞌ. Daj si asi̱j sini ya̱n, ni̱ hué daj gani ruhua Yanꞌanj sisi̱ gui̱ꞌyaj sa̱ꞌ néꞌ xiꞌí Cristo Jesús aj.

Ni̱ nacaj Yanꞌanj ni é re̱ꞌ xiꞌí si xuman ruhua ni é re̱ꞌ niꞌyaj ni é re̱ꞌ Yanꞌanj. Ni̱ hué nan huin ꞌngo̱ sinduj riqui Yanꞌanj rian ni é re̱ꞌ. Sé xiꞌí si guiꞌyaj sa̱ꞌ ni é re̱ꞌ huin si ganacaj Yanꞌanj ni é re̱ꞌ mánj. Sani̱ huin ꞌngo̱ sinduj ꞌyaj Yanꞌanj rian ni é re̱ꞌ aj. Ni̱ sé xiꞌí si ꞌyaj sa̱ꞌ néꞌ, ni̱ na̱caj Yanꞌanj néꞌ mánj. Daj si naꞌuej ruhua Yanꞌanj ga̱ꞌmi xa̱can néꞌ sisi̱ tsínj sa̱ꞌ huin néꞌ.

Sani̱ ni̱nꞌ ruhua nani yaco ruhua Yanꞌanj niꞌya néꞌ. Daj si ni̱nꞌ ruhua ꞌi̱ ruhua Yanꞌanj niꞌya néꞌ. Ni̱ nu̱nj si rúnꞌ huin níman huin néꞌ xiꞌí gaquinꞌ guiꞌyaj néꞌ, sani̱ riqui Yanꞌanj sisi̱ ga̱ ni̱ꞌnaꞌ nu̱guanꞌan néꞌ nga̱ Cristo. (Ni nacaj Yanꞌanj ni é re̱ꞌ xiꞌí sinduj riqui Yanꞌanj rian ni é re̱ꞌ.)

Ni̱ ganáꞌnij nu̱guanꞌan néꞌ nga̱ Cristo Jesús, guiꞌyaj Yanꞌanj. Ni̱ guiꞌyaj Yanꞌanj sisi̱ ga̱ne néꞌ nga̱ Cristo xataꞌ aj.

Xiꞌí daj ni̱ sé tsínj ꞌna̱ꞌ anéj chrej huin ni é re̱ꞌ ga̱ mánj. Ni̱ nitaj si ma̱n ni é re̱ꞌ ne̱ꞌ xe̱ꞌ xánj ni é re̱ꞌ mánj. Sani̱ yya̱j ni̱ hua si-chrej ni é re̱ꞌ nga̱ ango ni tsínj sa̱ꞌ nicoꞌ Yanꞌanj sisi̱ gui̱nicaj dugüiꞌ daranꞌ néꞌ nga̱ Yanꞌanj anj. Ni̱ da̱j rúnꞌ huin ꞌngo̱ hueꞌ sa̱ꞌ huin ni é re̱ꞌ. Ni̱ ni tsínj apóstol, ni tsínj aꞌmi si-nu̱guanꞌ Jesucristo yya̱j nga̱ ni tsínj gaꞌmi si-nu̱guanꞌ Yanꞌanj asi̱j ná, ni̱ hué ni sij huin ni yej ngaj xiꞌí hueꞌ daj. Ni̱ yej sa̱ꞌ nan huin achij rian daranꞌ ni yej ngaj xiꞌí hueꞌ daj. Ni̱ hué Jesucristo huin yej ran nan nne si-cúj hueꞌ aj.