Popular Bible Verses from Hechos 9

Share

Sani̱ gataj Señor gunun Ananías: ―Güi̱j re̱ꞌ. Daj si hua nacuīj Saulo sisi̱ ga̱nꞌanj sij na̱taꞌ sij nuguanꞌ sa̱ꞌ xiꞌīj rian ni tsínj ꞌna̱ꞌ anéj chrej nga̱ ni rey nej, ni tsínj israelita nej.

Ni̱ ꞌngo̱ ganatúj sij rian yoꞌój. Ni̱ gunun sij ꞌngo̱ nane̱ gataj-áꞌ: ―Saulo, Saulo, u̱n sin huin ni̱ chranꞌ yunꞌúnj re̱ꞌ yūnj únj. ―Daj gaꞌmi nane̱ daj gunun Saulo. Ngaa ni̱ nachínj snanꞌanj Saulo. Ni̱ gataj sij: ―Ni̱ u̱n sin huín re̱ꞌ, Señor, ―Gataj sij. Ngaa ni̱ gaꞌmi nane̱ daj. Ni̱ gataj-áꞌ: ―Yūnj huin Jesús. Hué manꞌānj huin nicóꞌ re̱ꞌ. Ni̱ chranꞌ yunꞌúnj re̱ꞌ manꞌán re̱ꞌ ngaa daꞌngaꞌ daj ꞌyáj re̱ꞌ aj. ―Daj gataj sij.

Hué dan ni̱ ganꞌanj Ananías. Ni̱ gatúj sij chruhua hueꞌ. Ni̱ gutaꞌ sij raꞌa sij chra̱ Saulo. Ni̱ gataj sij: ―Saulo, gurugüiꞌ Señor Jesús rián re̱ꞌ ngaa huáj re̱ꞌ chrej gaꞌna̱ꞌ re̱ꞌ nan, jnān. Ni̱ gaꞌníj sij yūnj gaꞌnāj rián re̱ꞌ sisi̱ na̱xiguin rundij rián re̱ꞌ. Ni̱ ga̱tu Espíritu Santo chruhua nimán re̱ꞌ, gui̱ꞌyaj sij. ―Daj gataj Ananías gunun Saulo. Ni̱ hué gue̱ hora daj guinij ꞌngo̱ si hua nnee̱ ga̱tsi rundij chraj rian Saulo. Ni̱ ꞌngo̱ naxigui̱n rian sij. Ngaa ni̱ naxu̱man sij ganꞌanj sij gataꞌ nnee sij.