Popular Bible Verses from 2 Corintios 12

Share

Sani̱ gataj Señor gunūnj: Gui̱ꞌyā sinduj rián re̱ꞌ. Ngaa ni̱ ga̱ꞌue gu̱nucuá re̱ꞌ si achin rián re̱ꞌ. Ni̱ ngüi̱ nitaj fuerza rian, ni̱ ga̱huin nucuaj ni sij, gui̱ꞌyaj si-fuerza manꞌānj. Daj gataj Señor gunūnj. Xiꞌí daj ni̱ huin nia̱ꞌ ruhuāj ngaa nitaj fuerza riānj. Ngaa ni̱ gui̱niꞌi ni ngüi̱ sisi̱ si-fuerza Cristo ꞌyaj sisi̱ hua fuerza riānj.

Xiꞌí si ꞌi̱ ruhuāj niꞌyā Cristo, ni̱ huin nia̱ꞌ ruhuāj ngaa nitaj fuerza riānj. Daj si aꞌmi quij ni ngüi̱ riānj nej. Ni̱ achin ni rasu̱n riānj. Ni̱ chranꞌ yunꞌunj ni ngüi̱ yūnj nej. Ni̱ ranꞌānj sayun xiꞌí Cristo nej. Ni̱ ngaa ani ruhuāj sisi̱ nitaj fuerza riānj, ni̱ hué hora daj ga̱huin nucuā, ꞌyaj Yanꞌanj.

Ni̱ sisi̱ huin ruhuāj ga̱ꞌmi sa̱ꞌāj xiꞌīj, ni̱ sé ꞌngo̱ nuguanꞌ ni̱ꞌyun huin ga̱ꞌmī mánj. Daj si si-nu̱guanꞌānj huin nuguanꞌ xa̱ngaꞌ. Sani̱ sé daj guiꞌyā mánj. Daj si hua guiniꞌi ni ngüi̱ da̱j hua si-sūnj nga̱ si-nu̱guanꞌānj. Ni̱ nitaj si huin ruhuāj sisi̱ ga̱ni ruhua ni ngüi̱ sisi̱ huaj huīnj xiꞌí si-sūnj nga̱ ni nuguanꞌ gaꞌmī rian ni sij mánj. Ni̱ hua sa̱ꞌ ni̱nꞌ ruhua nuguanꞌ digyán Yanꞌanj riānj. Ngaa ni̱ guidaꞌa ꞌngo̱ xiꞌi̱ manꞌānj sisi̱ si̱ guiꞌyaj nnēj, guiꞌyaj Yanꞌanj. Ni̱ da̱j rúnꞌ ꞌyaj ꞌngo̱ tanj ngaa atuj yu̱nꞌ, ni̱ hué daj ranꞌānj, guiꞌyaj xiꞌi̱ daj. Ni̱ xiꞌi̱ daj gaꞌna̱ꞌ rian sichre sisi̱ si̱ gaꞌmi xa̱cānj xiꞌīj mánj.