Popular Bible Verses from Lucas 19

Share

Porke aqine, sk'o'maj qine tu'n Dios tu'n ntene kyuk'il xjal, ma chin ule jyolte ex klolte aju tzpetnitoq.

in kyma'n: —Ky'iwla'n teju rey aju ma tzul, ma tzaj sama'n tu'n Qman. Atwit tzalajb'il tuj kya'j, ex nimanxwit tb'i Dios tuj kya'j.

Xitzun tma'n Jesús te: —Ja'lo ma tzul ju kolb'il tuj ju ja lu; ex ax tiyjil Abraham te xjal lu.

Tejtzun tkanun Jesús jatum ta' Zaqueo, jaw tke'yin jawni, o til, ex xi tma'n te: —Jurat tku'tza, Zaqueo, ex ax chin kyjel tene tjaya ja'lo. Jurattzun ku'tz Zaqueo ex o k'met Jesús tu'n tuj tja, in tzalaj ti'j.

Atzunte Zaqueo kub' we' ex xi tma'n te Qajaw: —Tat, mijku at weye kxel nq'o'ne kye meb'a; ex qa at jun ma tz'el welq'a'ne jun ti'xti te, jaku tz'aj nq'o'ne kyaje maj t-xel.

At junjun fariseo kyxol xjal xi kyma'n te Jesús: —Xnaq'tzal, mayonxa qe t-xnaq'tzb'ena. Xitzun ttzaq'we'n Jesús kye, chi kyja': —Kxel nma'ne kyeye, qa ma che q'ajen qe xjal lu, aqe ab'j che jawil sch'in.