Popular Bible Verses from Lucas 17

Share

Ex xi tma'n Jesús te: —We'ktza ex b'et-xa; tu'nju ma tokslaya ma b'anixa, chi Jesús.

Qa ma tb'incha wuq maj mya b'a'n ti'ja tuj jun q'ij, ex qa ma tzul tuk'ila wuq maj tuj jun q'ij ex ma tma: Najsama wile, mya b'a'n ma nb'inchaye ti'ja, qa chi, najsama til.

Tejtzun tna'nte jun kye qeju otoq che b'anix, ajtz meltz'aj in sch'in wen, in jaw tnimsa'n tb'i Dios. Ex kub' ẍmeje' t-xe tqan Jesús tejxi tpon takl tib'aj twitz twitz tx'otx', ex xi tq'o'n chjonte te. Ex aju xjal lu, aj Samaria.

Ten kykwente kyi'je. Qa at jun mya b'a'n ma tb'incha termaniya ti'ja, kawinxa; ex qa ma tz'ajtz ti'j tanmi, najsama til.

Atzunte Jesús xi tma'n: —¿Myapetzun laj kyb'et qeju ma che b'anix? ¿Yajtzun qeju b'elajtl jatumtzun ate' qe?

Atzunte Qajaw xi tma'n kye: —Noqwit at kyokslab'le maske noq ch'in ik tza'n jun tal twitz mostaza, jakwitlo txi kyma'ne te tze' lu: B'aqo'nktz tib'a tzalu ex awa'n ku'x tib'a tuj mar; ex jakulo txi tniman tze' kyyole.

Alkye jun xjal o'kx tok tk'u'j ti'j tu'n tten tchwinqlal twitz tx'otx', mlay tkamb'a aju chwinqlal in tzaj tq'o'n Dios; ex alkye jun xjal tq'on tib' tu'n tnaj tchwinqlal twitz tx'otx', ok tkamb'a' aju chwinqlal in tzaj tq'o'n Dios.

Xitzun tma'n Jesús kye t-xnaq'tzb'en: —Mlay tzik'x ti'j, atlo kb'el q'onte tolsab'l tuj kyb'eye tu'n kykub' tz'aqe tuj il; ex b'ek'b'il twitz aju xjal kb'el q'onte. Mas b'a'nwtlo tu'n tok k'alet jun ma tij kya' tjaq' tqul ex tu'n t-xi xo't tuj mar, ex mya tu'n tkub' tz'aq jun tal ch'in tuj il tu'n.

Ik tza'n o b'aj tuj tq'ijlalil tej tten Noé, ax ikxtzun kb'ajel tuj tq'ijlalil ok wule, aqine sk'o'maj qine tu'n Dios tu'n ntene kyuk'il xjal. In che wa'n xjal ex in che k'an; in knet kyxu'jil xinaq ex in knet kychmil xu'j, ex kukx in kyb'incha'n xjal jlu tej tokx Noé tuj barc; tzajtzun q'eqab' ex e b'aj naj kykyaqil.