Popular Bible Verses from Génesis 35

Share

Tmatl Dios te kyja': Aqine Dios aju at tipumal tu'n tb'ant tkyaqil tu'n. Chmet-x nim tb'aja ex chmet-x nim tiyjila. Ti'ja k'elel jun nasyon ex nimku tnam, ex kyxol qe tiyjila che elel jlet qe rey. Aju tx'otx' o txi nq'o'ne te Abraham ex te Isaac, axju kxel nq'o'ne teya, ex te tib'ajxi kxel nq'o'ne kye tiyjila, chi Dios.

Qo'qe tuj Betel. Atzun kjawil nb'incha'ne jun altar twitz Dios, aju o tz'onin wi'je tej atintoqe tuj xob'ajil, ex o b'et wuk'ile noq jatumchaq o chin b'ete, chi Jacob.

Tzaj tma'n te kyja': Jacob tb'iya, atzun ja'lo mi'n tz'ok q'ma'ntl tb'iya Jacob. Texju ja'lo Israel tb'iya k'okel, chi Dios, ex Israel tb'i Jacob ok tq'o'n.

Xitzun tma'n Jacob kye kykyaqil qeju ate'toq tuj tja ex kye kykyaqil qeju ate'toq tuk'il, chi kyja': Kyi'metze kykyaqil tilb'ilal nno'k kydiosine, aqeju e tzaj kyi'ne tuj junxitl tx'otx', che chine tuj a', ex kych'expu'n ele kyxb'alune.

Tzaj tma'n Dios te Jacob kyja': We'ktza ex tjaxa najal tuj Betel. B'inchan jawa jun altar nwitze ma chixin, aqine Dios aju kub' tyek'un tib' twitza tej tel oqa twitz ttzika Esaú, chi Dios.

Ch'ixtoq tkyim Raquel ex tej ch'ixtoq tjaw b'aj t-xew, Benoni tb'i tal ne' ok tq'o'n; atzunte Jacob aju tman ne', Benjamín tb'i ok tq'o'n.