Popular Bible Verses from Génesis 32

Share

Xitzun tma'n xinaq te kyja': —Mi'n tz'ok q'ma'ntl tb'iya Jacob, Israel tb'iya k'okel, tu'nju ma ma'lina tuk'il Dios ex kyuk'il xjal ex ma kub' kyi'j tu'na, chi xinaq.

Xitzun tma'n xinaq te Jacob kyja': —Chin ttzoqpintza, tu'nju ch'ix qsqix, chi xinaq. —Qa mi'n ma chin kub' tky'iwla'na, mlay txi ntzoqpi'ne, chi Jacob te.

Kyja'tzun kyaj ten Jacob tjunal te, ex o ma'lin jun xinaq tuk'il tejxi qsqix.

Oktzun tq'o'n Jacob tb'i lugar lu Peniel, tu'nju tma: Ma wile aku Dios ex itz'x qine.

Tejtzun tna'nte xinaq, lu minti'x tu'n t-xkye' ti'j Jacob, oktzun tb'aju'n twi t-xix, ex b'i'x etz q'ulpaj t-xix Jacob tu'n, akux kukxtoq tma'lin tuk'il.

—¿Titzun tb'iya? Chi xinaq. —Jacob nb'iye, chi xi tma'n.

—Ax ikx teya, q'mantza weye ti tb'iya, chi Jacob. Xitzun ttzaq'we'n xinaq: —¿Tiqu'n in tzaj tqanina nb'iye? Chi xinaq. Axtzun kub' ky'iwla'n Jacob tu'n.

Minti' woklene ti'j t-xtalb'ila ex tq'aq'b'il tk'u'ja tzaj tq'o'na weye. Tej wik'e tuj nima Jordán minti'toq q'i'n wu'ne, noq o'kx nky'aqo'che. Atzun ja'lo ma b'ant kab'e k'loj nb'ete.

Tu'ntzun jlu, atxixtzun minti' in xi kychyo'n qe tiyjil Israel aju tb'otx'il twi xixb'aj, tu'n tlaj twi' t-xix Jacob o ky'ixb'isanjtz.

Oktzun ten na'l Dios ex tma: Nman, aju Tdios nchmane Abraham ex Tdios nmane Isaac, aya o tzaj q'mante weye kyja': Taj meltz'aja tuj ttx'otx'a ex kyuk'il qe xjal at t-xilena kyuk'il, ex b'a'n k'elel tb'eya wu'ne, chiya.

B'inchama xtalb'il, chin tkloma tuj tq'ab' ntzike Esaú, porke in chin xob'e twitz. Mya yajku tzul q'ojlel wi'je, ex jaku che kub' tb'yo'n qe xu'j ex qe k'wa'l.