Popular Bible Verses from Marko 13

Share

Enenyet tuumman a atin ꞌdiiꞌda jeenteti atin abattiteey itahiin u. Iꞌdaasenyi, eti garrahsate ichoowka sinata ꞌdubiche eleele a lariba.

Taba isyaakhicha! Toorribda! Ibeenki sahaꞌddaas tateeh ma garattaanee.

Maambaaw atin lakhabte dahanohicho atin lagesse, orey on wihi atin sootadeehiin akawaꞌdwaaꞌdina. Wihi chirraas atin lasiiche on daha. A mehe atin mee yeyyeeddaan, iꞌdaasenyi Rubeyti Munyeenye yeyyeedda.

Sereyta daayan ichoow harra a kutaane, iꞌdaasenyi yeedasseey jirtuu tuumman ma kutaan.

“Aabbaheey on menye, et maantaas ommos sahaꞌddaas garti mele. Herti Waakhe goobi Waakh fiddiito ommos Ínam Aadam laka ma gartaan.

Maanti atin yaafohi isdiho ichoow worassi ibuuhine dihoyyoot daagteen, anahina. Wahanyeyyoha a sooyateehiine, iꞌdaasenyi ibeenki yomboot uliba a ankhanyahe on.

“Maantaka toorribda, a mehe sahaꞌddi ooyohi goob leh soonokhti ma garattaanee. Usu geleb ommos naanokho ommos geeddi lukki kariiro ommos baryo yamiit ma garattaan. Chuꞌus dog laan yamiit, uus atinhi uꞌdurtaan atin ꞌhelin. Wihi ani atin iadeeh an enenyet tuummane iadeehe, ‘Taba isyaakhicha!’”

Sirgaalle a isdihta, karnato laka isdihaan. Ilassi ittaawe ka harra sesseehta, nabhayye laka tamiit. Wahaas a chiis birriissa on.

Wihi Waakh gooche, koloo Wori Haaggane ꞌdooꞌdi harra tuumman liicheeka.

ꞌDooꞌdi ittaawenye ani iskaayyeelo yamiite, ‘An a Ki Lasubhe’ essi, a agartaane, ꞌdooꞌdi ittaawenye ekkeestaan la.

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

A mehe ꞌdooꞌdoo Ki Lasubhe iskaayyeelo ichoow ꞌdooꞌdi ꞌdooꞌdi Waákh íyeyyeedo iskaayyeelo a soobaha. Icho la wahanyeyyohi ittaawenye nane miigti Waakh tuso ichoow girmo yeelaane, ꞌdee chiꞌiche tateeh ꞌdooꞌdi Waakh soobahsate ekkeestaan.

“Iꞌdaasenyi maanassaas sinayyohaas buure kuteen, “ ‘orrahe a daayatta, yeyyah la banayhiis ma soobahcho, yiyyihimo serey a kasookhubtaane, miigti saraat la lakorkokicha.’