Popular Bible Verses from Luuka 6

Share

Enenyet walah siicha, atin la walah a atin lasiichaa. Wihi buurenye, meel liijahe, laruhe ichoowka khubti iche sabho lakaachiba. A mehe geeddi atin ꞌdooꞌdi addan iyeessaan, geeddaase atin liiyeela.”

Eti haaggan uuriis laka a haagganyahe gone, haaggaas on dela. Eti suuje la uuriis a suuj gone suujoonkaas on dela. A mehe wihi afiis kasoobaho, a wihi uuriis goya buuho.

Iꞌdaasenyi taba chiiytiin ꞌdoona, haag iyeela, mog siicha ichohi atin isooguto asugina. ꞌDeerka kalaꞌddiin la a buuraatta, toro nyaakhuti Waakkhi Weyti Weene tateehiin. A mehe us ꞌdooꞌdi kalaꞌd ikhabin ichoow ki sussuuje uur a iꞌdabakhyahe.

Saggi Aabbahiin uur inugulyahe u, atin laka ꞌdooꞌdi addan uur inugleesda.

“Taba uurassiin goyaka enenyet ahukkumina uus Waakh atin hukkumine. Taba enenyet uskeele yeesseen iidowina, uus atin laka uskeele yeesseen atin liidaahane. Taba enenyet uskeel ikakuta, ꞌdee uskeeliin a atin liikakuto.

“Atinhi idagansattaan wihi an atin iadeeh, chiiytiin ꞌdoona, ꞌdooꞌdi atin ꞌdiiꞌdo la haag on tusa, ꞌdooꞌdi atin falo imaala, ki atin leeabaarramo la Waakh iwaha.

Wihi kootte incheenka atinhi atin liiyeelo ꞌdoontaan, ꞌdooꞌdi addan iyeela.

Chirri etoo fodooroo kiguꞌdde, fodoori addan laka siiche a kiguꞌddo. Chirri etoo kabuuꞌdaah kaakhaate, ubbaaraahki deere us khaato laka atiran. Eti tuummane walah kidaahe siiche, chiꞌ etoo wohoo wahaahe khaate la, aleemarmine a kasookhaatin.

“Geey haaggane gurnaanki suuje bahcho mele, geey suujenye gurnaanki haaggan bahcho mele.

Geeyba gurnaanki us bahcho lakaabta. Iyookkoka geeyi bilhil dommog ma kaguratti ommos geeyi khasah medeer ma kaguratti.