Popular Bible Verses from Yoohana 19

Share

Chirri us farsota surrukhe ka Yeesso wihi us yidah, “Walah tuumman a massateen.” Wahaas ka matah soolugꞌde, rubey gooche.

Yeesso chirraakka saggi wihi goorat yateeh tuumman iyitaaheen garte. Ulla saggi us wihi Chiirnaanneti Waakh tadeeh ibuuhichuu, wihi us yidah, “An a subgaade.”

Yeesso abartiis ichoow eti us abattitiis goyaka weyti ꞌdoono ichohi intaas toollo arge. Yeesso wihi us abartiis iyidah, “Abartaay, eta inankaah kayeelo.” Etaas abattitiise la wihi us iyidah, “Eta, makhaabassa abartaah kayeelo.” Uus maalinkaas la, eta abattee Maariya khaate goobiis geeche.

Iꞌdaasenyi chirri iche Yeesso sooeleesse ka, saggi us iyumuy agarte, luhlohiis ma jejjebin. Etoo iskareet toor ka Yeesso waaru ꞌhune, diig ichoow bicche kasookhubteen.

Waha la a yitaaheene, ꞌdee wihi Chiirnaanneti Waakh ka lachiire labuuhicha, “Laftiistoo kalday laka ma lajebcho.” Toro la iꞌdi chiirnaankoo addan Chiirnaanneti Waakh goyaka yadeeh u, “ꞌDooꞌd eti icho toor ka ꞌhuneen a ꞌdeyꞌdoocha.”

Yeesso massalaabatiis siꞌdaayi bahe. Meessoo Meessi Lafohi Matahe Enenyet layadeeh irte. Meessa la afi Ibiraaniya ka a Golgooꞌda.

Iskare la ꞌduuboo kudaheet iskayuubte matah Yeesso korisse, dafartoo muggee laka iꞌdi karnat u gelisse.