Popular Bible Verses from Salmos 96

Share

Come ñucʌch lac Yum. La' wen sujbic i ñuclel. Yom mi lac bʌc'ñan Dios ti pejtelel lac pusic'al. Jini jach yom bʌc'ñʌñtel ti' tojlel jini diosob.

C'ʌyin lac Yum. Ch'ujutesanla i c'aba'. Subula ti jujump'ejl q'uin woli' coltañonla.

C'ʌyiben lac Yum tsiji' bʌ c'ay. C'ʌyin lac Yum ti pejtelel pañimil.

Subula i ñuclel lac Yum ti' lumalob pejtelel winicob x'ixicob. Subula uts'at bʌ i melbal ti' tojlel pejtel tejclumob.

Ch'ujutesan lac Yum ti' sʌclel la' pusic'al. Yom tsiltsilñayetla ti' tojlel lac Yum ti pejtelel pañimil.