Popular Bible Verses from Salmos 91

Share

Mi caj c sub: Lajalʌch lac Yum bajche' ts'ajquibil bʌ otot ba' mic puts'el. C Diosʌch, woli bʌ c ñop, cho'on.

Jini mu' bʌ i chumtʌl yic'ot jini C'ax Ñuc Bʌ Mi' yajñel ti' yʌxñʌlel jini Mach bʌ Anic i P'isol i P'ʌtʌlel.

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Come jini C'ax Ñuc Bʌ tsa'ix i yʌq'ue mandar i yángelob, Cha'an mi' cʌntañet baqui jach ma' majlel.

Dios mi caj i cʌntañet ti' yebal i wich' yilal che' bajche' mi' luts' i yal i ña'al mut. I xuc'tʌlel i pusic'al jiñʌch lac mʌctijib ba' mi laj cʌntʌntel.

Come lac Yum jiñʌch lac puts'ib. Jatet ja'el tsa'ix a wʌc'ʌ a bʌ ti' wenta jini C'ax Ñuc Bʌ. Jini cha'an ma'anic mi caj a wubin wocol. Ma'anic mi caj i tajet jini c'amʌjel mu' bʌ ti tsʌnsa ya' ba' chumulet.

Dios mi caj i cʌntañet ame chujquiquet ti yac che' bajche' mut. Mi caj i loc'sañet ti c'amʌjel mu' bʌ ti tsʌnsa.

Anquese tsa' tsʌnsʌntiyob jump'ejl mil ti a t'ejl Yic'ot lujump'ejl mil ya' ti ñoj bʌ a c'ʌb, ma'anic mi caj i tajet.

Ma'anic mi caj a bʌc'ñan jini bʌbʌq'uen tac bʌ ti ac'ʌlel, Mi jinic jalʌjb mu' bʌ i julet che' ti q'uiñil. Mi jinic p'ʌtʌl bʌ c'amʌjel mu' bʌ i ñumel ti ac'ʌlel, Mi jinic mu' bʌ ti jisaya che' ti xinq'uinil.