Popular Bible Verses from Salmos 31

Share

La' ñuc'ac la' pusic'al. Yom ch'ejletla. Mi caj i p'ʌtesʌbeñetla la' pusic'al pejtel mu' bʌ la' pijtan lac Yum.

Tilem ti a tojlel chuqui tac jach mi' tajon. Loc'sañon ti' c'ʌb j contrajob, ti' tojlel jini mu' bʌ i tic'lañon.

Wen ñuc i yutslel a pusic'al mu' bʌ caj a pʌsben jini mu' bʌ i bʌc'ñañet. Chajpʌbilet cha'an ma' pʌsben a wutslel jini mu' bʌ i ñopet ti' tojlel i pi'ʌlob.

C Yum, wolic ñopet. Tsa cʌlʌ: C Dioset.

Come jatet c Xajlelet ba' mic taj i xuc'tilel c pusic'al. Lajalet bajche' ts'ajcʌbil bʌ cotot. Pʌyʌyon majlel cha'an ma' wʌc' ti cʌjñel a c'aba'. Pʌsbeñon jini bij ba' yom mic majlel.

Mi cʌq'ueñet c ch'ujlel ti a c'ʌb. Tsa'ix a mʌñʌyon, c Yum Dios, isujmetʌch.

C'uxbinla lac Yum pejtel i cha'añet bʌ la, Come lac Yum mi' cʌntan jini mu' bʌ i ñopob. Mi' yʌq'uen i toj i mul jini mu' bʌ i chañ'esan i bʌ.

C Yum, tsa'ix cʌc'ʌ c bʌ ti a wenta. Mach a wʌc'on ti quisin ti pejtelel ora. Coltañon ti toj bʌ a pusic'al.