Popular Bible Verses from Genesis 39

Share

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

Potifar tsi' yʌc'ʌ ti' wenta José pejtel i cha'an bʌ. Ma'anix tsi' chʌn ña'ta Potifar come an ti' wenta José, jini jach tsi' ña'ta i c'ux i bʌl i ñʌc'. José wen i t'ojol jax, wen ch'ejl.

Jini xcʌnta mʌjquibʌl tsi' yotsa ti' wenta José pejtelel xmʌjquelob año' bʌ ti mʌjquibʌl. Chuqui tac jach tsa' mejli ya'i i wentajʌch José.

Tsi' chucu José. Tsi' yotsa ti mʌjquibʌl ya' ba' mʌcʌlob jini ñup'ulo' bʌ i cha'an rey. Ya' tsa' ajni José ti mʌjquibʌl. Pero ya'an lac Yum yic'ot. Tsi' pʌsbe i yutslel i pusic'al. Tsi' yʌc'ʌ ti c'uxbintel i cha'an jini xcʌnta mʌjquibʌl.

I yijñam i yum tsa' caji' mulan José. Tsi' sube: La' pi'leñon, che'en. José ma'anic tsi' jac'be. Tsi' sube i yijñam i yum: Awilan, mach yujilic c yum chuqui an quic'ot ti' yotot. Tsa'ix i yʌc'ʌ pejtelel i chubʌ'an tic wenta. Ma'anic yambʌ ñuc bʌ ti' wenta c yum. Ma'anic chuqui tsi' loto ti' bajñel p'ʌtʌlel, cojach jatet, come i yijñamet. ¿Bajche' mi mejlel c cha'len jini ñuc bʌ mulil? ¿Bajche' mi mejlel c cha'len mulil ti' contra Dios? che'en.

Ti jump'ejl q'uin che' bʌ tsa' ochi José ti' yotot cha'an mi' mel i ye'tel ma'anic x'e'telob ya' ti yotot. Jini x'ixic tsi' wats tujc'a majlel i bujc José. Tsi' sube: La' ti wʌyel quic'ot. Pero José tsi' cʌyʌ i bujc ti' c'ʌb. Tsa' puts'i loq'uel.