Popular Bible Verses from Genesis 37

Share

José tsi' cha'le ñajal. Tsi' sube i yʌscuñob chuqui tsi' q'uele ti ñajal. Jini cha'an tsi' mich'leyob.

Israel tsi' wen c'uxbi José ñumen bajche' pejtel yaño' bʌ i yalobilob, come José tsi' yila pañimil che' ñoxix i tat. Tsi' yʌq'ue pʌl bʌ i bujc am bʌ i c'ʌb.

Che' bʌ tsi' ña'tayob i yʌscuñob ñumen c'uxbibil José bajche'ob, tsi' ts'a'leyob. Mach yomobic i pejcañob José ti uts'at.

Tsi' cha' cha'le ñajal. Tsi' subeyob i yʌscuñob: Awilan, tsac cha' cha'le ñajal. Jini q'uin yic'ot uw yic'ot junlujump'ejl ec' tsi' c'uchchocoyob i bʌ tic tojlel.

Tsʌytsʌñayob i pusic'al i yʌscuñob cha'an José. Pero i tat tsi' chʌn ña'tʌbe i t'an.

José tsi' subeyob: Ubinla chuqui tsac ñajle: Awilan, woli lac set cʌche' trigo ya' ti jamil. Jini jam set cʌchbil bʌ c cha'an tsa' wa'le. Jini jam set cʌchbil bʌ la' cha'an tsi' joy tempayob i bʌ. Tsi' c'uchchocoyob i bʌ ti' tojlel jini set cʌchbil bʌ c cha'an, che'en.

La' lac tsʌnsan. La' lac choc ochel ti jump'ejl ch'en. Wi'il mi caj lac sub tsi' c'uxu jontol bʌ bʌte'el. Quila la bajche' mi' caj ti loq'uel i sujmlel i ñajal tac, che'ob.

Woli' ñumelob xchoñoñelob ch'oyolo' bʌ ti Madián. I yʌscuñob José tsi' ch'uyuyob loq'uel ti joyol bʌ lum. Tsi choñoyob i yijts'in. Junc'al plata taq'uin tsi' tojoyob jini ismaelob. Tsi' pʌyʌyob majlel José ti Egipto.

Tsi' subeyob i bʌ: Ixix tilel jini xñajal.

I yʌscuñob tsi' q'ueleyob che' ñajt to i tilel José. Che' maxto c'otemic José, tsi' tem ña'tayob i tsʌnsañob.

Rubén tsi' subeyob: Mach la' cha'len tsʌnsa. Chocola ochel ti joyol bʌ lum wʌ' jach ti jochol bʌ lum, pero mach yomic mi' chʌmel ti la' c'ʌb, che'en Rubén, come yom i coltan José. Tsi' ña'ta i cha' pʌy majlel ba'an i tat ame chʌmic ti' c'ʌb i yʌscuñob.