Popular Bible Verses from Mateo 10

Share

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Nɔ tsuaa nɔ nɛ baa e klaa yi ɔ, e maa laa lɛ; se nɔ nɛ laa e klaa ngɛ ye he ɔ, e nine maa su nɔ.

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Nɔ tsuaa nɔ nɛ wo we e sɛumi tso kɛ nyɛɛ we ye se ɔ, e sɛ kaa e ba peeɔ ye kaselɔ.

“Lɔ ɔ he ɔ, nɔ tsuaa nɔ nɛ maa wo ye ta ngɛ nimli a hɛ mi ɔ, imi hu ma wo e ta ngɛ Tsaatsɛ nɛ ngɛ hiɔwe ɔ hɛ mi. Se nɔ tsuaa nɔ nɛ ma kua mi ngɛ nimli a hɛ mi ɔ, imi hu ma kua lɛ ngɛ Tsaatsɛ nɛ ngɛ hiɔwe ɔ hɛ mi.

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Lɔ ɔ he ɔ, nyɛ ko ye gbeye; nyɛ he jua wa hluu pe otokliihi babauu.

“Nyɛ ko susu kaa i ba, konɛ ma ha nɛ he jɔmi nɛ ba je ɔ mi. Dɛbi, pi he jɔmi hami nɛ i ba; se klaate mohu i kɛ ba.