Popular Bible Verses from Luka 8

Share

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Wuhi nɛ ya pue mio mi ɔ daa si ha nihi nɛ nuɔ munyu ɔ, nɛ a heɔ yeɔ hulɔ. Se pee se ɔ, je nɛ ɔ mi haomi, kɛ ní nami, kɛ níhi nɛ ngɔɔ nɔ nya haa nɛ a hemi kɛ yemi gboɔ. Kɛkɛ ɔ, ní tsumi nɛ sa kaa a tsu kɛ gu hemi kɛ yemi nɔ ɔ, a nyɛ we nɛ a tsuɔ.

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Kɛkɛ nɛ Yesu bi e kaseli ɔmɛ ke, “Jije nyɛ hemi kɛ yemi ɔ ngɛ?” Se kaseli ɔmɛ a he mi po, nɛ a ye gbeye, nɛ a de a sibi ke, “Mɛni nɔmlɔ po ji nɛ ɔ? E ngaa kɔɔhiɔ, kɛ nyu tete po yi, nɛ a buɔ lɛ tue!”

Wuhi nɛ ya pue blɔ mi ɔ daa si ha nihi nɛ nuɔ munyu ɔ. Se Abosiami baa nɛ e ba jeɔ munyu ɔ ngɛ a tsui mi, konɛ a ko he ye, nɛ a ko he a yi wami.

“Nɔ́ ko be nɛ a kɛ laa nɛ a be kpo jee; jehanɛ ɔ hu, nɔ́ ko be nɛ a bu nɔ, nɛ a be nae, nɛ a be kpo jee.

Jehanɛ ɔ, benɛ yo ɔ na kaa e hí lɛ laami hu ɔ, e kɛ he domi blibliibli ba kpla si ngɛ Yesu nane nya. Ngɛ ni ɔmɛ tsuo a hɛ mi ɔ, e de lɛ nɔ́ he je nɛ e ta e he ɔ, kɛ bɔ nɛ a tsa lɛ amlɔ nɔuu ɔ. Yesu de lɛ ke, “Biyo, o hemi kɛ yemi tsa mo; yaa ngɛ he jɔmi mi.”

Yesu kaseli ɔmɛ ya tsɛ̃ɛ̃ lɛ, nɛ a de ke, “Nyɔmtsɛ, Nyɔmtsɛ! Wa gbo oo!” Kɛkɛ nɛ Yesu te si, nɛ e nga kɔɔhiɔ kɛ wo nɛ gli ɔ yi. Kɔɔhiɔ ɔ kpa fiami, nɛ wo ɔ ngmɛ dii, nɛ lejɛ ɔ jɔ.