Popular Bible Verses from Luka 3

Share

Benɛ a sɔle ni ɔmɛ tsuo se ɔ, a sɔle Yesu hulɔ; nɛ benɛ e ngɛ sɔlee ɔ, hiɔwe nya bli, nɛ Mumi Klɔuklɔu ɔ kple si kɛ ba e nɔ kɛ su nɛ ngɛ kaa lahuɛ. Nɛ gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Ke nyɛ tsake nyɛ tsui niinɛ ɔ, lɛɛ nyɛɛ pee níhi nɛ tsɔɔ kaa nyɛ tsake nyɛ tsui. Nyɛ ko susu kaa ke nyɛ de ke nyɛ nɛ̃ ji Abraham ɔ kɛkɛ tue gblami ko be nyɛ nɔ bae. I ngɛ nyɛ dee ke Mawu ma nyɛ ngɔ tɛ nɛ ɔmɛ kɛ pee Abraham nina!

Amlɔ nɛ ɔ, gbiɛ ɔ fɔɔ si ngɛ tso si poku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.”

Bɔ nɛ a ngma ngɛ gbalɔ Yesaya womi ɔ mi ji nɛ ɔ nɛ. “Nɔ ko ngɛ ngmlaa kpae ngɛ nga a nɔ ke, ‘Nyɛ dla blɔ ngɔ to Nyɔmtsɛ ɔ; nyɛɛ je blɔ tlɔmɔɔ ha lɛ, nɛ e nyɛɛ nɔ! Á tsi kɔ̃ tsuaa kɔ̃; á ba kpo tsuaa kpo, kɛ yo tsuaa yo si. Á pee blɔhi nɛ kpɛ̃ ɔ tlɔmɔɔ, nɛ ní nɛmɛ nɛ ngɛ googagooga a, a nɔ nɛ sɔ. Kɛkɛ ɔ, nihi tsuo maa na Mawu yi wami hemi ɔ!’ ”