Popular Bible Verses from Yohane 21

Share

Benɛ a ye ní ɔ gbe nya a, Yesu bi Simon Petro ke, “Simon, Yohane bi, anɛ o suɔ mi pe bɔ nɛ ni nɛ ɔmɛ suɔ mi lo?” Simon he nɔ ke, “Nyɔmtsɛ, o le kaa i suɔ mo!” Yesu de lɛ ke, “Lɛɛ ye to bi ɔmɛ.” Yesu kpale bi lɛ si enyɔne ke, “Simon, Yohane bi, o suɔ mi lo?” Petro he nɔ ke, “Nyɔmtsɛ, o le kaa i suɔ mo!” Yesu de lɛ ke, “Hyɛ ye to ɔmɛ.” Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

I ngɛ mo dee anɔkuale mi ke o nihe mi ɔ, mo nitsɛ o miaa, nɛ o yaa he tsuaa he nɛ o suɔ. Se ke o ba bwɔ ɔ, o ma wo o nine nɔ, nɛ nɔ kpa maa mia mo; nɛ e kɛ mo maa ya he nɛ o sume kaa o maa ya.”

Jehanɛ e de mɛ ke, “Nyɛɛ fɔ ya a ngɛ lɛ ɔ hiɔ nɔ, nɛ nyɛ maa gbe lo.” A fɔ ya a, nɛ lo nɛ a gbe ɔ hiɛ babauu, nɛ a nyɛ we nɛ a gbla ya a.

Kɛkɛ nɛ Simon Petro de mɛ ke, “I yaa wo.” A he nɔ ke, “Wɔ tsuo waa kɛ mo maa ya.” Kɛkɛ nɛ a ya sɛ lɛ mi, nɛ a pue nɔ kɛ ho. Se jamɛ a nyɔ ɔ mi tsuo ɔ, a gbi lo kake ngmelu po.