Popular Bible Verses from Mose I, 37

Share

Ligbi ko ɔ, Yosef nla nlami ko; nɛ benɛ e bɔ e nyɛmimɛ ɔmɛ nlami ɔ, a nyɛ lɛ pe sa a.

Yakob suɔ Yosef sane pe e bimɛ ɔmɛ tsuo; ejakaa benɛ a fɔ Yosef ɔ, lɛ Yakob ɔ bwɔ momo. Yakob kpɛ tade klɔii saminyayoo ko ngɔ wo Yosef.

Benɛ Yosef nyɛmimɛ ɔmɛ na kaa a tsɛ suɔ Yosef pe mɛ tsuo ɔ, a nyɛ lɛ, nɛ a ha we lɛ hɛ mi.

Pee se ɔ, Yosef nla nlami kpa, nɛ e bɔ e nyɛmimɛ ɔmɛ ke, “I pa nla nlami kpa. I nla nɛ pu kɛ hlami kɛ dodoe nyɔngma kɛ kake ba kpla si ngɛ ye hɛ mi.”

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

E de mɛ ke, “Nyɛɛ bu nlami nɛ i nla nɛ ɔ tue. Wɔ tsuo wa ngɛ ngmɔ mi nɛ wa ngɛ ngma fie. Kɛkɛ nɛ ye ngma a nɛ i fi ɔ te da si; nɛ nyɛ ngma amɛ ba bɔle ye ngma a, nɛ a kpla si ha lɛ.”

Nyɛ ha nɛ waa gbe lɛ, nɛ wa sake lɛ kɛ wo muɔ nɛ ɔmɛ eko mi. Wa ma ya de ke lohwe awi yelɔ ko ye lɛ. Kɛkɛ wa maa hyɛ nɔ́ nɛ maa je e nlami ɔmɛ a mi kɛ ba.”

nɛ benɛ Midian jua yeli komɛ ba su a ngɔ ɔ, Yosef nyɛmimɛ ɔmɛ je lɛ kɛ je muɔ ɔ mi, nɛ a jua lɛ kɛ ha Ishmael bi ɔmɛ sika hiɔ yi nyingmi enyɔ. Nɛ a kɛ lɛ ho Egipt ya.

A de a sibi ke, “Nlalɔ ɔ lɛ ma a nɛ.

A na lɛ nɛ e ma jee; nɛ benɛ e na we nɛ e su a ngɔ lolo ɔ, a so e yi nɔ kaa a maa gbe lɛ.

Nyɛ sake lɛ kɛ wo muɔ nɛ ɔ mi ngɛ nga a nɔ kɛkɛ; se nyɛ ko gbe lɛ.” Ruben de ja, bɔ nɛ pee nɛ e kpɔ Yosef ngɛ a dɛ, nɛ e kɛ lɛ ya ha e tsɛ.