Popular Bible Verses from Maak 6

Share

Di saha ka o yɛli ba, “Chɛliya ka ti yi kpaŋa chaŋ luɣ’ shɛli ti vuhi biɛla.” Dama niriba daa kul kanila o sanna ka chana, hal ka o min’ o nyaandoliba ti kɔŋ dahima diri bindirigu.

Ka Yisa yɛli ba, “Anabi nyari jilima luɣ’ shɛlikam zaa naɣila omaŋmaŋ’ ya min’ o dɔɣiriba ni o yiŋnim’ sani ka o bi nyari jilima.”

Yisa ni daa ti yi ŋariŋ maa ni na nya salo maa ka bɛ yɛla niŋ o nambɔɣu pam, dama bɛ daa ŋmanila piɛri bɛn ka gula; ka o daa piligi wuhiri ba yɛla pam.

O daa bi tooi tum tuun’ kar’ shɛli nimaani n-naɣ’ pahila o daa kul zaŋla o nuhi pa barinim’ biɛla zuɣu chɛ ka bɛ kpaŋ zaa. Ka di daa gar’ o pam bɛ biɛhiŋ maa zuɣu. Di nyaaŋa ka Yisa daa yi nimaani chani gindi tiŋkpansi wuhiri niriba.

Ka o daa zaŋ bɔrɔbɔro kpila anu mini zahim ayi maa, ka kpuɣ’ o zuɣu lihi zuɣusaa ka niŋ alibarika niŋ di ni, ka ŋmahiŋmahi bɔrɔbɔro maa ti o nyaandoliba ni bɛ tari niriba maa; di nyaaŋa ka o naanyi ŋmahi zahim ayi la mi pahi zaŋ tari bɛ zaa. Ka bɛ zaa ha daa di li tiɣi. Ka Yisa nyaandoliba maa daa laɣisi bɔrɔbɔro chɛhi mini zimburisa din guui pali piɛri pinaayi.