Popular Bible Verses from Maak 13

Share

Ka sokam ni ti jɛn ya n yuli zuɣu. Amaa ŋunkam ti niŋ suhukpeeni hal ni wahala ŋɔ bahigu ni ti tiligi.”

Gbaamiya yimaŋa ka guhira, ka suhimiya Naawuni, dama yi bi mi di saha.

Dinzuɣu bɛ yi ti gbahi ya tahi saria karibu shee, yin’ di chɛliya ka yi suhuri zɔhiri yi ni ti yɛn yɛli shɛm zuɣu, amaa ti kul yɛlimiyala yɛtɔɣ’ shɛli din be yi suhuri ni di saha maa, dama pa yimaŋmaŋ’ yɛtɔɣa nti yɛn nyɛ li, amaa di yɛn nyɛla Naawuni Shia Kasi dini.

Zuɣusaa mini dunia ŋɔ ni ti yiɣisi, amaa man’ yɛligu ku yiɣisi.”

Yisa daa lan yɛli yaha, “So bi mi dindali bee di saha, hal malaikanim’ bɛn be alizanda ni mini Naawuni Bia la gba bi mi li; faashee o Ba maa kɔŋko n-naɣ’ mi li.

Ka yi yi ti wum ni bɛ tuhiri tɔbu, ka wumdi ŋumaŋuma ni tɔb’ shɛŋa na yɛn tuhi, yin’ di chɛliya ka yi suhiri zɔhira; dama faashee dimbɔŋɔnim’ zaa bahi niŋ, amaa di ti bi yɛn wuhi ni dunia yiɣisibu saha paami maa.

Dinzuɣu di gbihiriya, dama yi bi mi yil’ yidan’ ni ti yɛn kuna saha shɛli, amii zaawuni bee yuntisuɣu bee nolɔɣu kukoli bee biɛɣ’ asiba; dama yi yi gbihira, o ni ti paana libigi ya. N ni yɛri ya shɛm ŋɔ, sokam zaa ka n yɛra, Di gbihiriya!”

Dama zuliya kam ni ti tuhiri taba, ka tiŋgbana zuɣulaannim’ ti yiɣisi tuhiri taba; ka tiŋgbani ti damdi bɔb’ shɛŋa polo, ka kum ti luri pam; amaa dimbɔŋɔnim’ zaa ti yɛn bemi kaman paɣipuulan’ wolisibu piligu biɛrim la.

Amaa di niŋ kamaata ni lahibal’ suŋ ŋɔ waazu yihi ti zuliya kam pɔi.

dama niriba pam ni ti zaŋ n yuli kana ti yɛra, ‘Mani n-nyɛ Masia! Mani n-nyɛ Masia!’ Ka bɛ ni ti birigi niriba pam.

Amaa miriya! Bɛ ni ti gbahi ya tahi ʒiishɛhi, ka fiɛbi ya Yɛhudianim’ jɛmbu duri ni, ka zaŋ ya tahi gomnanim’ mini nazuɣuri tooni n zuɣu, ka yi ti niŋ n shɛhiranim’ bɛ sani.

Dama Masia ʒirinim’ mini anab’ ʒirinim’ ni ti yi palo wuhiri shihira ka tumd’ alahiziba tumtumsa ni bɛ birigi niriba; ka hal di yi ni ti nani, bɛ ni birigi Naawuni ninvuɣ’ gahinda la gba.

Yisa daa yɛliya, “Amaa dabisa din ti yɛn doli wahala ŋɔ nyaaŋa saha, wuntaŋ’ ni ti zibigi, ka goli ti ku lan piɛla, ka yiko din gbib’ zuɣusaa ni ti dam, ka saŋmarisi yi zuɣusaa luna.