Popular Bible Verses from Maak 10

Share

Dama Daadam Bia gba bi kamina ni o ti ʒiya ka niriba tumdi tir’ o; amaa ni ŋun’ lee ti tumdi tiri ba, ka zaŋ o nyɛvili pa talima niriba pam nyɛviya zuɣu.”

Ka Yisa yuli ba ka yɛli ba, “Ninsalinim’ sani ka dimbɔŋɔ ku tooi nani, amaa pa ni Naawuni sani; dama Naawuni ŋun’ sani binshɛɣukam nandimi.

Ka Yisa yɛl’ o, “To, cham’ a chandi! A yɛda niŋbu n-neeg’ a nina maa.” Ka o nina maa daa dii neei, ka o doli Yisa chana.

Dinzuɣu Naawuni ni laɣim shɛba, sal’ ŋun’ miri ka o woligi ba.”

Ka Yisa lih’ o yurilim lihigu ka yɛl’ o, “Yɛl’ yini n-naɣ’ poog’ a: Cham’ ti kɔhi a ni mali shɛlikam zaa zaŋ ti nandaamba, ka kana ti doli ma, ka di chɛ ka a ti nya buni alizanda ni.”

Ka Yisa ti bɔh’ o, “Bɔ ka a lee bɔri ni n niŋ ti a?” Ka zom’ maa yɛl’ o, “Karimba, m bɔri ni a neela n nina ŋɔ ti ma.

amaa di ku niŋ lala yinim’ sani. Dinzuɣu ŋun bɔri ni o nyɛ wɔɣirili yi ni, ŋun’ zaŋm’ omaŋ’ lee yi zaa ha bia

Yɛlimaŋli ka n yɛri ya, ŋunkam bi deei Naawuni nam kaman bia ni deeri li shɛm ti ku kpe di ni.”

Amaa niriba pam bɛn daŋ tooni ni ti leei nyaannima, ka bɛn be nyaaŋa mi ti leei toonnima.”

Amaa di sabiya ni ninsalinim’ nambu piligu ni, Naawuni daa nam ba la doo mini paɣa.” Ka di lan sabi yɛli, “Daliri ŋɔ zuɣu ka doo ŋmaligir’ o ba min’ o ma sani n-zaŋd’ omaŋ’ tabind’ o paɣa, ka bɛ niriba ayi maa be kaman ninvuɣ’ yino la. Lala zuɣu n yɛri ya mi, bɛ lan pala niriba ayi yaha.