Popular Bible Verses from Matiu 24

Share

Ka tuun’ biɛri ni ti yɛn zooi zuɣu ni chɛ ka niriba pam yurilim filim. Amaa ŋunkam ti niŋ suhukpeeni hal ni wahala ŋɔ bahigu ni ti tiligi.

Ka Naawuni nam lahibal’ suŋ ŋɔ waazu ni ti yihi gili dunia ŋɔ zaa n-lee shɛhira zuliya kam sani pɔi ka dunia yiɣisibu saha naanyi paai.

Yi ni ti wum ni bɛ tuhiri tɔbu, ka wumdi ŋumaŋuma ni tɔb’ shɛŋa na yɛn tuhi, amaa di ti chɛliya ka yi suhuri zɔhira, dama faashee dimbɔŋɔnim’ zaa bahi niŋ, amaa di ti bi yɛn wuhi ni dunia yiɣisibu saha paami maa.

Dama zuliya kam ni ti tuhiri taba, ka tiŋgbana zuɣulaannim’ ti yiɣisi tuhiri taba, ka kum mini tiŋgbani dambu ti be bɔb’ shɛŋa polo, amaa dimbɔŋɔnim’ zaa ti yɛn bemi kaman paɣipuulan’ wolisibu piligu biɛrim la.

Zuɣusaa mini dunia ŋɔ ni ti yiɣisi, amaa man’ yɛligu ku yiɣisi.

dama niriba pam ni ti zaŋ n yuli kana ti yɛra, ‘Mani n-nyɛ Masia! Mani n-nyɛ Masia!’ Bɛ ni ti birigi niriba pam.

Di saha bɛ ni ti gbahi ya n-niŋ ya alaka, ka kun ya; ka zuliya kam ti jɛn ya n yuli zuɣu. Di saha maa niriba pam ni ti zaɣisi ma dolibu, ka yi tab’ nyaansi, ka je taba. Ka anab’ ʒirinim’ pam ni ti yi palo m-birigi niriba pam.

Ka Yisa garigi yɛli ba, “Miriya ka yi ti chɛ ka so birigi ya

Dinzuɣu yi gba malimiya shili sahakam; dama Daadam Bia ni ti labina saha shɛli yi ni bi yuun’ o soli.

Dinzuɣu di gbihiriya, dama yi gba bi mi yi Duuma ni yɛn labina dahin’ shɛli.

Yisa daa lan yɛli, “So bi mi dindali bee di saha, hal malaikanim’ bɛn be alizanda ni mini Naawuni Bia la gba bi mi li; faashee o Ba maa kɔŋko n-naɣ’ mi li.

Dama Masia ʒirinim’ mini anab’ ʒirinim’ ni ti yi palo n-wuhiri shihir’ kara, ka tumd’ alahiziba tumtumsa ni bɛ birigi niriba; ka hal di yi ni ti nani, bɛ ni birigi Naawuni ninvuɣ’ gahinda la gba.

Di ni daa niŋ shɛm Anabi Nuhu saha la, lala ka Daadam Bia gba kandina ti yɛn be. Di ni daa be shɛm hal ka kom ti kana ti di bɛ zaa ha la: Bɛ daa diri ka nyura; ka kpuɣiri paɣiba, ka zaŋdi bɛ bipuɣinsi tiri dɔbba hal ti paai Anabi Nuhu ni daa kpe ŋariŋ ni dahin’ shɛli, ka bɛ daa bi baŋ hal ka kom ti kana ti di bɛ zaa ha la, lala ka Daadam Bia gba kandina ti yɛn be.