Popular Bible Verses from Hiburunima 13

Share

Gbaamiya yimaŋa ni laɣiyubo, ka chɛliya ka yi nini tiɣi yi ni mali shɛli, dama Naawuni yɛliya, “N kul ku chɛ a, ka mi ku bah’ a.”

Yisa Masia ni sa be shɛm sɔhila, lala ka o be zuŋɔ, ka kul ni be lala hal ni saha din ka bahigu.

Dinzuɣu ti ni tooi niŋ suhukpeeni yɛli: “N Duuma nyɛla n sɔŋda; n ku zo dabiɛm. Bɔ ka ninsal’ ni tooi niŋ ma?”

Di tamya zaɣ’ viɛlli niŋbu yɛla, ka zaŋmiya yi ni mali shɛli sɔŋdi taba, dama dina n-nyɛ sara shɛŋa din tiɣiri Naawuni nini.

Ti Duuma Yisa zuɣu, chɛliya ka ti kul zaŋdi wumpaɣibo kaman sara la paɣiri Naawuni, dina n-nyɛ ti yaai ti noya kahigi wuhi ni ti tibigir’ o yuli.

Chɛliya ka amiliya lɔbu mali jilima sokam sani, ka chɛliya ka yidan’ min’ o paɣa ʒe tab’ yim bɛ daamiliya lɔbu puuni; dama Naawuni ni kari niŋgbuŋ kɔrɛnim’ mini bɛn niŋdi zina saria.

Di tamya saamba saani niŋbu yɛla, dama shɛb’ daa niŋdi saani lala hal ti niŋ malaikanim’ saani ka bi baŋ ni malaikanim’ m-bala.

Naawuni ŋun nyɛ suhudoolana ka daa neei ti Duuma Yisa ŋun nyɛ Piɛgul’ Suŋ o daalikauli din ka bahigu ʒim zuɣu kum ni la timiya binshɛɣukam din viɛla, ka yi tooi tum o yubu; ka lan chɛ ka yi tum din ni tiɣ’ o nini yi bebu ni Yisa Masia zuɣu. Ŋuna n-simdi tibigibu hal ni saha din ka bahigu. Ami.