Popular Bible Verses from Piligu 50

Share

Yi daa lo ma la zaɣ’ biɛɣu, amaa ka Naawuni daa zaŋ li leei zaɣ’ suŋ ni di chɛ ka niriba pam ti tiligi kaman di ni nyɛ shɛm zuŋɔ dabisili ŋɔ.

Amaa ka Yisifu daa yɛli ba, “Di chɛliya ka dabiɛm mali ya, n ku tooi zaŋ mmaŋ’ zali Naawuni zaani.

Dinzuɣu di chɛliya ka dabiɛm mali ya, n ni gbib’ yi mini yi bihi.” Lala ka o daa lan lo ba alikauli ka kpaŋsi bɛ suhuri.

Yɛlimiya Yisifu, ‘Jaande chɛl’ a biɛyanim’ ŋɔ ni daa tum’ a taal’ shɛl’ la.’ Pumpɔŋɔ, tinim’ bɛn nyɛ a yaannim’ Naawuni daba ŋɔ suhir’ a mi, chɛl’ ti ni daa tum’ a taal’ shɛli maa ti ti.” Bɛ ni daa zaŋ yɛtɔɣa ŋɔ yɛli Yisifu, o daa kummi.

Ka Yisifu daa ti yɛl’ o zuliya maa, “N saɣi kpibu; amaa Naawuni ni ti ka yi sanna nti yihi ya tiŋgbɔŋ ŋɔ ni n-zaŋ ya kulisi o ni daa po pɔri n-zaŋ tiŋgbɔn shɛli ti Ibrahimma mini Yisahaku ni Yaakubu la ni.”

Di saha ka Yisifu daa yɛli Izraɛlnim’ maa, “Naawuni yi ti yihi ya tiŋgbɔŋ ŋɔ ni, yin’ ʒimiya n kɔba mali kuli;” ka daa chɛ ka bɛ po di pɔri.

Ka Yisifu daa ti kpi, ka bɛ niŋ tim ʒe o niŋgbuŋ n-zaŋ o niŋ kum adaka ni Ijipti. O daa niŋ dunia yil’ la yuun’ kɔbiga ni pia.