Popular Bible Verses from Yibu 3

Share

Ka Naawuni yɛli Musa, “Mani n-nyɛ Mani.” Ka lan yɛli yaha, “Yɛlim’ Izraɛlnim’ maa, ‘Mani n-tim ma yi sanna.’ ”

Ka o daa yɛli, “N ni be a sani. Dimbɔŋɔ mi n-yɛn nyɛ shihirili din wuhiri ni mani n-tim a, a yi ti yihi niriba maa Ijipti tiŋgbɔŋ maa ni na, yi ni ti jɛmdi man’ Naawuni zoli ŋɔ zuɣu.”

Di saha ka Naawuni daa yɛl’ o, “Di miri kpe na, pirigim a namda maa, dama a ni ʒe luɣ’ shɛli ŋɔ nyɛla luɣ’ kasi shee.”

Di saha ka Yawɛ daa yɛli Musa, “N nya n niriba bɛn be Ijipti la muɣisigu, ka wum bɛ fabila zaŋ chaŋ bɛ tuma zuɣulaannim’ ni niŋdi ba fitiina shɛŋa la polo. M mi bɛ wahalanim’ maa zaa. Dinzuɣu ka n kana ni n ti yihi ba Ijiptinim’ maa nuu ni, ka yihi ba tiŋgbɔŋ maa ni n-zaŋ ba tahi tiŋgban’ viɛlli din galisi ni; tiŋgban’ shɛli din mali bihim mini shiri pam, ka nyɛ Keenannim’ mini Hitinim’ ni Amɔrinim’ ni Pɛrizinim’ ni Hivinim’ ni Jɛbusinim’ ni su tiŋgbɔn shɛli.

Ka Yawɛ malaika daa ti puhi yi o zuɣu buɣim niɛm puuni tutuɣu ni, ka Musa daa lihi nya ka buɣim diri tutuɣu ni, amaa ka lee bi diri tutuɣu maa.

Dinzuɣu kamina ka n ti tim a Firawuna sani ka a chaŋ ti yihi n niriba Izraɛlnim’ maa Ijipti tiŋgbɔŋ maa ni.”