Popular Bible Verses from Maak 9

Share

Ka Yisa bɔh’ o, “Bɔ n-niŋ ka a yɛli ni n yi ni tooi? A bi mi ni binshɛɣukam zaa nandi ŋun niŋ yɛda sani?”

Ka bia maa ba daa kuhi ni nintam yɛli, “N Duuma, n niŋ yɛda; ka n yɛda niŋbu ni pooi shɛli ni, nyin’ sɔŋm’ ma di puuni!”

Yisa ni daa ti kpe o yilikpɛrili ka o nyaandoliba bɔh’ o ashilɔni, “Ka bɔ n-niŋ ka tinim’ di bi tooi kari alizin’ birigu maa bahi?” Ka o yɛli ba, “Di yi pala wunsuhigu mini nolɔbo zuɣu so ku tooi kari alizini ŋɔ tatabo.”

Yalim nyɛla bin’ suŋ; amaa ka yalim yi ti niŋ piti, wula ka yi lee yɛn niŋ chɛ ka di lan nyaɣisi yaha? Chɛliya ka yalim be yi ni, ka yi mali suhu yini ni taba.”

“Ŋunkam deeri bibil’ ŋɔ tatabo n yuli zuɣu deeri la mani; ka ŋunkam mi deeri ma, pa mani ka o deera, amaa ŋun tim ma na ka o deera.”

Yɛlimaŋli ka n yɛri ya, ŋunkam tin ya ko’ mahim biɛla yi ni nyɛ Masia nyaandoliba la zuɣu, o ti ku kɔŋ di laara.”

Yisa daa lan yɛli, “Ŋunkam mi chɛ ka bibihi bɛn niŋ ma yɛda ŋɔ ni yino birigi, bɛ yi di zaŋ nɛ’ karili lo dilan’ nyiŋgol’ ni zaŋ o bahi teeku ni di naan so o zuɣu.

Ka a nimbil’ mi yi chɛ ka a yɛn birigi tum alahichi, nyin’ kpaɣim’ li, dama a yi kɔŋ a nimbil’ yini ka ti kpe Naawuni nam ni, di so ni a mali nina ayi ka bɛ ti zaŋ a kpɛhi buɣim ni