Popular Bible Verses from Tuma 1

Share

Amaa saha shɛli Naawuni Shia Kasi yi ti kpe yi ni, yi ni nya yiko ka leei n shɛhiranima Jɛrusalɛm zaŋ tabili Judia mini Samaria tiŋgbana ni hal ti kpa dunia tarisi zaa.”

Ka o garigi yɛli ba, “Di bi kpan ya ni yi baŋ di dabisa bee saha shɛli m Ba Naawuni ni zal’ li o yiko ni.

Yisa mini ba ni daa laɣim maa ka o yɛli ba ni bɛ di yi Jɛrusalɛm chaŋ luɣ’ shɛli, amaa ni bɛ kul guhim’ hal ka bɛ ni wum ŋun’ Yisa sani ni o ba Naawuni lo ba alikauli shɛl’ la ti niŋ pali. Ka yɛli ba, “Jɔn Baptaizira daa baptaiziri niriba la kom ni, amaa yinim’ ni deela Naawuni Shia Kasi baptaizibu daba ayi ŋɔ sunsuuni.”

O ni daa di wahala kpi la nyaaŋa o daa lan zaŋ omaŋa wuhi ba shihira balibu pam puuni ni o shiri neei kum ni. Ka bɛ nina daa nya o ka bɛ min’ o be hal ti paai biɛɣ’ pihinahi, ka o daa wuhi ba Naawuni nam yɛla pam.

Yisa ni daa tɔɣisi yɛtɔɣa ŋɔ naai saha shɛli maa, ka o dii wuɣiri duri zuɣusaa, ka bɛ kul lihir’ o hal ka sagbani ti lim o, ka bɛ bi lan nya o.

Bɛ ni daa na kul kpaai bɛ nina kpa zuɣusaa lihir’ o ni chani maa ha, ka bɛ nya ka niriba ayi ye binyɛr’ piɛla ʒe bɛ sani ka bɔhi ba, “Yinim’ Galilinim’ ŋɔ, bɔ ka yi lee ʒiɛya lihiri zuɣusaa lala?” Ka lan yɛli ba, “Yisa so yi ni nya ka o yi yi sani chani alizanda ni shɛm maa, lala ka o ti lan yɛn labina.”