Popular Bible Verses from Tsumo 3

Share

Vimba naTenzi nomwoyo wako wose usavimbe nokuona kwako zvinhu nemazvo. Muzviito zvako zvose muzive, iye achatasanudza nzira dzako

usazviite munhu anoziva itya Tenzi ufuratire uipi.

Remekedza Tenzi nezvaunazvo uye nembesanwa dzinotanga kuibva. Matura ako anobva azadzwa nezvakawanda makuvi ako ewaini anozopfachukira.

Usasiane nokuvimbika nokutendeseka zvisungirire muhuro, zvinyore pachiredhi chemwoyo wako.

Mwanangu usashore kudzidziswa kwaunoitwa naTenzi kana kuneta nokukutsiura kwaanoita nokuti Tenzi anotsiura wavanoda sezvinoita baba mwana waanoda.

Mwanangu usakanganwe chidzidziso changu, mwoyo wako ngauchengete mitemo yangu nokuti zvichakupa mazuva mazhinji namakore oupenyu akawanda uye kugarika kukuru.

Akakomborerwa munhu anowana ungwaru, munhu anowana kunzwisisa, nokuti zvinowanikwa mahuri zviri nani pano zvinowanikwa musirivha uye zvibereko zvahwo zvinokunda zvibereko zvendarama. Ungwaru hwakakosha kukunda zvishongo, hapana chaungade chingaenzaniswe nahwo.

Usarege kuitira munhu anokodzera kuitirwa zvakanaka kana uchizvikwanisa.

Noungwaru Tenzi akadzika ugaro hwapasi akamisawo nokunzwisisa kwake denga.