Popular Bible Verses from Mə́líʼkus 8

Share

Kɛ́lɛ lɛ́, wɛ nyɔ́ wɔʼkɔ́ wamaʼkanɛ ɔlaa wááŋ, wɛ nyóon olɛ́ɛ́ koʼtaŋ wólɛ́. Kɔmɔɛ́d lɛ́ nyɔ́ alɛ́ɛ́ koʼtaŋɛɛ́ ɔlaa wə́ə́ŋ a kidíídí kɛ́am, na a kɛ́ Tɔsɔm Tólaŋ, wɛ nyóon aa olɛ́ɛ́ kɔɔyɛɛ́.

Mɔɔd amaʼkɛɛn na tugúm tuim tó a nsí, náa ɔlaa wə́ə́ŋ olɛɛ́ undióŋóón, amɛ́ɛ́lɛ nkə aa nyóon?

Ná ayɛ́ɛ aáʼkosásan Píɛ náan, yɛɛ́dɔ́ŋɔn ungim nyɔ́ ayɛ́ɛ kɔ áay, na paaʼkan pə́ə́ŋ kɛ́, ɔnɔ́ na pɔ́lɛ́: «Mɔɔd əməʼkusəə lɛ́ əəginjə́ən, óliogi ɔʼtɛ́m na nyɔ́lɛ́nyɔ́amɔɛ́d, yə́lúú ɔmbásá wə́ə́ŋ, ná yíim anɛ́ɛ́n yínjə́ən.

Ímuʼ na ímuʼ yɛ́ mɔɔd alɛɛ́ ogɛɛ́ʼkɛn agɛɛlɛ lɛ́ áwɛɛna ɔlaa wə́ə́ŋ, ɛ́dɛɔ́gɔ. Mɔɔd amaʼkɛɛn lɛ́ aagoob oʼto kono na mɛ a udi ó pɔɔd póonɛ pá nɛ́gɔŋ pá pádɛ́agoóbɛnɛɛ́ Táán, páagɛɛlanɛ kɔbɛ́, aágaáŋa na tɔgɛ́ɛ́ tóam, mɛ Mɔɔ́n o mɔɔd ndɛ́ɛ́ tɛn koob oʼto kono na nyɔ́lɛ́ ná ndɛ́ɛ́ kimbuúlini a nugəm nó Táán Sɛ waam, ondáŋ na pəfúfúŋ pá məŋun má maʼtom.»

Náa Yə́sus ɔnɔ́ na pɔ́lɛ́: «Oo, a nɛáŋan nɛ́ pəŋibáamɔɛ́d anɛ́ɛ́n ə́ə, poɔʼkɔ́ ndɛ ánɛ ə́?» Píɛ əyímuyúlísíni ɔnɔ́: «Olɛ Məsíi .»