Popular Bible Verses from Mə́líʼkus 6

Share

Wɔnɔ́ ná kɛnɔ kɛ́yɛ́ɛ miíi na pɔɔd lɛ́ póonɛ páagɛɛn, pə́mmú pə́əgiim, pɔɔ́n pá maʼtom pádiɛn na kɛnɛŋ kɛ́ konɛ́ɛnɛ, Yə́sus yiísə́ə́ ɔnɔ́ na pɔ́lɛ́: «Pəŋi mɛ́naan. Tiə́suídəən sɔɔŋ a ɛbá, tiɛ́naan a kɛnɔ kɛ́ kifələ́ə́n, púoyig sɔɔŋ.»

Yə́sus ayɛ́bodɛánɛ ɔnɔ́ na pɔ́lɛ́: «Pɔ́dɛɔ́gɔɔ́sɔ́dɛ ɔndɔɛgɛʼ pɛbán o Táán a nigúu niə́ŋ nɛ́ nyɔ́lɛ́nyɔ́amɔɛ́d, a ŋŋɛ́n yəəŋ na a yoog yəəŋ ɛ pɔɔd. A mɔnɔŋ mɛ́ndɛ́ŋ agá aa əə́gə́mən.»

A nisuu niə́ŋ a kɛʼkɔ́m, Yə́sus yɛɛ́dála kiʼtúú kɛ́ pɔɔd kɛ́ɛg wɔnɔ́ ná kɛ́lɛɛ́ miíi. Maan mə́yímusíəd na pɔ́lɛ́ lɛ́ páyɛ́ɛ wɔnɔ́ todóm tó túʼkódií sə́dúg, əə́bə́ə́ koboyáʼkananɛ pɛbán piíŋ.

Yə́sus adɛʼkáagɛɛlɛ ongán ɔmbɔ́ úmmuʼ a Násalɛd. Náa, ayábɛ́gan əgín ngab ɛ pabámbany yimmú ombɔg, pámáyoom. Ayɛ́ɛ əgəə́wúunəni kɛ́fɔlɛ́ wɔnɔ́ ná pɔɔd pá a pálɛ́ɛg yəəŋ pádɛʼkágaágɛ́ɛ́ oʼto na nyɔ́lɛ́. Ayɛ́ɛ əgiim ádáŋana a moyaa mó əʼkúu muim mó a Násalɛd a kaaʼkananɛ pɔɔd.

Yə́sus yiísiə́d pɛlɛ́ɛd pɛ́ɛb pɛ́ʼtáan na pusú póbaan, aábágɛ əngis a mɔɛn, amɛ́ʼkɛn pisoyidiʼ na Táán, aábɛ́ŋa, amɛ́ʼkɛn na paaʼkan pə́ə́ŋ lɛ́ páaban ungim, ánɛ. Pááság kaaba. Ɔnɔ́ páboyáaban tɛn pusú, pámáába. Ungim nyɔ́ ayɛ́ɛ kɔ yɛɛ́nɛ́, əə́yíid, moom moɔ́lɔb. Pɛbɛŋ pɛ́ pɛ́ɛ́lɔ́b, paaʼkan pɛ́ɛ́gómmánɛ, piə́yə́ə́g mɔsaŋɛʼ mówád na móbaan