Popular Bible Verses from Maʼtɛ́as 27

Share

Ná mangɛn mádáád máyɛ́ɛ mə́ndəgiim əgiig, Yə́sus yiídóʼtin kiʼkíŋ na toɛn, ɔnɔ́: «Ɛlɛ́as, Ɛlɛ́as, lɛ́má sabágtáni?» Áay lɛ́: «Táán yaam, Táán yaam, tuə́ áa umíʼtúmín ngim náan?»

Əgín a kɛnɛŋ kɛ́go kɛ́ɛg, sanjaʼ yɛ́ pɛ́ɛ́sandɛgɛnɛ a Tɛ́mpɛl yaáság kosaalɛg pɛsaa pɛ́baan paáám, kəə́bə́ə́ a oʼto agɛɛn əgiig a nsun. Nsí iyə́nyígídíí, aʼtáán yásasáa, pəgəəniʼ pə́əgəə́buənə, pɛlóŋ pɛ́ pɔɔd piíŋ pá páyɛ́ɛ sáád pɛ́móndɛ́gan.

Yə́sus aáság kiiʼkini kudóʼtin kiʼkíŋ na toɛn, əmíísímid, aádó oʼto.

Ná nkúm ɛ pasɔ́njaa, na pɔɔd pá páyɛ́ɛ kɔ áay a kinuŋ kɛ́ kɛlóŋ kɛ́ Yə́sus pɛ́ɛ́dála wɔnɔ́ ná nsí iyə́nyígídíí, na nkə kiim kɛ́ kɛ́yɛ́ɛ agaásan, ngililiʼ iyíbugúmin, pə́ə́bə́ə́ kosɔyɔ pɔ́nɔ́: «A fɔ́lɔ́b, mɔɔd nyóonɛ ayɛ́ɛ Mɔɔ́n o Táán!»

Ná tóɛf iyííg, mbin yiídə́əŋ a nsí ngim pilíb, súʼtə́ə́ a mangɛn mádáád.

Náa ɔnɔ́ na pɔ́lɛ́ əə: «Nyɛ́ɛlɛ anɛ́ɛ́n tuə́ na Yə́sus nyóonɛ nyɔ́ pɔ́ɔdɔ́ŋɔn lɛ́ Məsíi əə́?» Ungim əyímuyúlísíni ɔnɔ́: «Tɛánɛ́ pɛ́ɛn amoóbaŋan a ɔmbásá o!» Náa ɔnɔ́ na pɔ́lɛ́: «Kɔbɛ́ igə anɛ́ɛ́n áa amɛ́ɛ́lɛ ə́?» Pə́ə́bə́ə́ agá kosása kə́mmú na toɛn pɔ́nɔ́: «Ɛ́ʼkɛn toɛn pámoóbaŋan a ɔmbásá o!»