Popular Bible Verses from Sɛ́aŋ 11

Share

Yə́sus yiísə́ə́ ɔnɔ́ na nyɔ́lɛ́: «Mɛ áa ndɛɛ́ kolon a kəəniʼ kó pɛlóŋ, mɛ áa ndɛɛ́ ɔlaa. Nyɔ́ amáág oʼto na mɛ, ɔmbɔ́ əə́gú, agɛɛn na ɔlaa. Nyɔ́ alɛɛ́ tɛn a ɔlaa, amaʼkaag oʼto na mɛ adɛndɛ́ɛ́ kugu. Umə́líʼtíníí náan a, Mááʼtaʼ?»

Yə́sus ayɛ́modɛánɛ ɔnɔ́ na nyɔ́lɛ́: «Ntɛgodɛ́anɛnɛ lɛ́ omaʼkaag oʼto na Táán, olɛ́ɛ́ kodála nɛgóón niə́ŋ ə́?»

Yə́sus aáság kudə́əŋ na ɔndɛɛ.

Pááság kɛɛn, pámámodɛánɛ. Ná ayóób tɔsɔm tóod náan, yiísə́ə́ agá ɔnɔ́: «Lasáal ədiə́gu kobany kóog. Kólɛ agá lɛ́ ná kúloodi nugəm nó Táán nó nólɛɛ́ nugóón. A kólɛ́ aa pálɛ́ɛ́ kugə́midií Mɔɔ́n o Táán.»

Ná yɛɛ́mán kosɔyɔ náan, aáság kosásɛd, nɛŋo a mɔɛn, ɔnɔ́: «Lasáal, mɛ́ɛn ólon!» Kɛlóŋ kɛáság kiim kɛ́lon, ɔmbɔg na ambaan aʼkódágódá na pɛsom pɛ́ pilə́ə́, udi usúʼkínə́ə́n na kɛsom kɛ́ ombɔ́m. Náa Yə́sus ɔnɔ́: «Ímuyóndínəən, púmuudi yɛ́ɛn!»

Ɔʼtɛ́m ó Yə́sus úyíʼkíni kogany kə́mmú kɛ́fɔlɛ́, aáság kɛɛn kɛnɔ kɛ́ kəəniʼ káyɛ́ɛ. Kəəniʼ kágo kóog káyɛ́ɛ kɛbaŋ a nɛdáán. Píígúb unuʼ na kɛa kɛ́ kɛdám kɛ́ nɛdáán

Ná ayɛ́ɛ aáʼkoman kosɔyɔ náan, aáság kiiʼkini kodɛ́anɛ na paaʼkan pə́ə́ŋ ɔnɔ́: «Sɔ́g wəəs Lasáal əə́ndəənim ɛnɔ. Náa mɛ kóam kɛɛn kɔ, mmuyóndigi.»