Popular Bible Verses from Markos 16

Share

Ansinyan yagalaong si Isa kanilan, “Kadto da kamo sang kariko ng mga banwa adi sa babawan ng donya aw pagpayapat kamo ng Madyaw na Gogodanun sang kariko ng mga otaw.

Aw yani yang mga tanda na ma-inang ng mga yagapangintoo kanak. Sabap sang kabarakat ng kanak ngaan makapalogwa silan ng mga saytan sikun sang mga otaw aw makapaglaong silan sang mga pyaglaongan na wa nilan akatigami. Kong makatakmag silan ng od atawa maka-inum silan ng makamatay, di silan ama-ono. Aw kong dapunun nilan yang arima nilan sang mga masakitun, amadyaw silan.”

Sino-sino yang amangintoo aw magapasogbo, amalowas. Awgaid sino-sino yang di amangintoo, hokomon na asiksaun.

Ansinyan kyomadto da yang mga inindowan nan sang yagakatuna-tuna na mga banwa aw yagapayapat silan ng Madyaw na Gogodanun. Tyabangan silan ng Tagallang sang ininang nilan aw yatagan nan silan ng kabarakat pag-inang ng mga katingaan silbi tanda na bunna yang pyagapayapat nilan. Wassalam

Awgaid yagalaong kanilan yang otaw, “Ayaw kamo pagkalluk. Yamatigam ako na yanap mayo si Isa na taga Nasarit na pyalansang sa kros. Waa da yan adi kay yabowi oman yan. Tanawa mayo yang pyagabutangan nan.

Maynan yang pyagabaawan nilan kay bali na kadakowa ng bato. Awgaid pagtanaw nilan, kinita nilan na yamaligid da yang bato. Na, pagsuud nilan sang kobor, aon kinita nilan na sambok na olitawo na yaga-ingkod apit sang karinto. Pagkita nilan kanan, bali na pagkatingaa nilan.